ايلهام الیئو-ا آچيق مکتوب

ايلهام الیئو-ا آچيق مکتوب - سارخانلي پاشا

بای بک، آذربایجان | ايشنبه صاباحی, 1st فروردين , 2007 اینجی ایل, چولا 00:10 [am] | تورکجه, مقاله

سون گونلرده، قوزئيدن، گونئيدن قيزقين آذربايجان-ليلار سيزين حاقينيزدا، بوي-بوي مقاله لر يازيب، هؤکومتينيزين، ب.م.ت،ده ايران موللا رئژيمي نين، اينسان هاقلاريني چئينمه ديگينه داير، موثبت سس وئرمه سيني و او رئژيمي ان بؤهرانلي گونلرينده، هئچ اولمازسا کيچيک بير سويييه ده، موثبت گؤسترمه يه چاليشماسيني عالي شخصينيزله برابر تنقيد آلتينا آلميشلار.

مدرن تاريخده ايلک کز اولاراق ميللي دؤولت يارادان سيد جفر پيشه وري-نين، قوزئي آذربايجانين امانتينده اولان، آنيتيني سؤکوب، باشقا محلله داشيديغينيز زامانلاردا، زاتی عالينيزه قارشي، بونا بنزر قيزقينليق و خيرچينليقلار گؤرولموشدو.

اطرافينيزي ساران، فايداچي حوققابازلارا چوخ گوونمه یين، بيلينيز کي او حالدا حاقتين اوزونو اصلا قؤرمييه جکسينيز. شيره اطرافينا قونان ميلچکلرين اليندن بير جور سييريليب، خالقينيزا، ميلتينيزه ال تاپماليسينيز. يوخسا گله جک چوخ آجي مئيوه لرله ياخينلاشاجاق سيزه.

بورادا ايذنينيزله، آذربايجان خالقينا ايهانت ائدن بير کيمسه يه قارشي يازديغيم شعري، سيزه تقديم ائديب،

گونئی آذربايجان خالقي نين موباريزه بايراغيني اوزون زامان چيينينده داشييان و نهايت ايکينجي دونيا ساواشيندان سونرا اورتايا چيخان شراييطدن، داهيجه يارارلانيب، مدرن تاريخده ايلک کز اولاراق ميللي دؤولت يارادان سيد جفر پيشه وري-نين، قوزئي آذربايجانين امانتينده اولان، آنيتيني سؤکوب، باشقا محلله داشيديغينيز زامانلاردا، زاتی عالينيزه قارشي، بونا بنزر قيزقينليق و خيرچينليقلار گؤرولموشدو.

ده يه رلي واختينيزدان کئچيب، بو ایده آ و معروضه لرين هاميسيني ديقتي نظردن کئچيريب، اوزرينده دوشوندويونوزو ظن ائتمه ييرم. آما ايلک اولاراق، آدينيزا قلم چالماق ايسته ديگيمه باخماياراق، بيلديرمک ايسدرديم کي، بو هاي-کوي، بو قيزقينليق و خيرچينليقلارين ايچينده، چوخلو اوريان حاقيقتلر ياتير. اونلاري گؤرمزليکدن گلمک، ار يا کئچ، دؤولتينيزه قارشي ميگرئن سويييه سينه اولاشابيلن، باش آغريلار تؤره ديب، سيزي داها ضعيف دوروما دوشوره بيلر.

سيز ياش اعتيبارييله مندن داها گئنج، مئوکي و متبه باخيميندان ايسه، قيياس اولونماياجاق قدر اوزاقداسينيز. من غاصيبلر الينده اينله ين آنا وطنيني (گ.آذربايجان) ترک ائديب، اروپا اؤلکه لريندن بيريسينه سيغينيب، حياتيني پيس-ياخشي غوربتده سوووران بير آذربايجان-لييام. آديمي بيلنلرين سايي چوخ آزدير. سيز ايسه، بوتون حياتيم بويو، رؤيالاريمدا بسله ييب، سئوديگيم آما هنوز اوزونو گؤرمه يه هسرت قالديغيم، قوزئي آذربايجان-ين، يئني تاريخينده ۴.اونجو پرئزيدئنت، الیئو عاييله سي نين ايسه ايکينجي بؤيوک شخصيسينيز.

بونا باخماياراق، سيزه بير نئچه اؤغودوم وار:
سيزه قارشي يوکسلن سسلري ياخشي دينله یين، اونلاري دويمازليقدان، بيلمزليگدن گلمه یين، قولاق آسماق ياراديجي و تانريسال بير اؤزلليکدير.

آذربايجانين بير قوزئيي، بيرده گونئيي نين اولدوغونو قبول ائتمه ليسينيز. بير اينسانين ساغ و سول گؤزو وار، آذربايجانيندا قوزئيي و گونئيي وار. حال حاضيردا، قوزئي، بؤيوک و ديرلي بير پارچاسيني ائرمنيلره قاپديرماقلا بيليکده، روس تهديدي آلتيندا ياشايان، آما تدريجن نفتيني، گازيني دونيا بازارلارينا گؤندره بيلن موستقيل بير اؤلکه دير. گونئي ايسه، باشدان-باشا تالانان، ديلي، کولتورو ياساقلانيب، دانيلان، فارس الينده چابالاييب، اينله ين آما تريجن داها جيدي موباريزه يوللارينا اولاشان، هاراييني اينسانلارا دويورماقدا ايصرارالي، حددي-هودودو بليرسيز، باشي دومانلارلا دولو بير اؤلکه دير. قوزئيين، گونئي پارچاسي، بابک-ين، خطايي-نين، قيليج چاليب، ياراتديغي، ياشاتديغي، اؤودويو- اؤووندويو، يولوندا جان وئريب اؤلدويو اؤلکه دير جنوب.

بئله دير سايين پرئزيدئنت،

ايندي سيزده اگر جنوبون وارليغيني دانماق ايسدرسنيز، و “دونيا آذربايجانليلاري” (بو سؤزده قالان و يالان بير تئرمدير) کنگره سينده اوندان آد آپاريلماسينا ياساق قويارسانيز، بس هانسي اللي ميليونون پرئزيدئنتي اولورسونوز؟ ياخشي بيلمه ليسينيز کي، والين اوزو دؤندوکده، اطرافينيزي آلان ميلچکلر، ايلک اولاراق سيزي ترک ائديب، هر بيريسي بير جاناوار اولوب، سيزه هوجوم ائده جکلر. چونکو اونلاردا شرافت و اينسانليق هاميسي، شيره و شيرنيدن عيبارتدير.

زامانين آخيشيني ياخشي دويون، ياخشي بيلين. آشاغي-يوخاري، بوتون آزاد و دئموکراتيک دونيانين سسي نين، ايران-لي جينيايت رئژيمينه يوکسلديگي بير آندا، دؤولتينيزين اونا موثبت ياخلاشماسي بؤيوک بير طالعسيزليکدير.

باشينيزي بوندان آرتيق آغريتماق ايسده ميرم سايين پرئزيدئنت. بورادا ايذنينيزله، آذربايجان خالقينا ايهانت ائدن بير کيمسه يه قارشي يازديغيم شعري، سيزه تقديم ائديب،
سؤزومه سون وئريرم:

“تپه گؤز” و “آنا وطن”
آخ تانريم
بو “آنا وطن” سؤزو ده
مينلرجه بازارليق اشيا ايچينده،
چؤوريلدي بير شئي اولدو
دوککانچيلار الينده

آهاي قوجا جاناوار!
ديشلريني قيجيرداديب،
شکلده رک قولاقلاريني،
“آخ وطن” دئييبن،
نه گيررسن،
هئچ تولکونون،
گيرمه ديگي قيليغا سن اصلینده،
کؤرپه قوزولارا پوسو قوروب،
يوموشاق اتلريني دوشله ييرسن رؤيادا
فورصت بولورسان اَير،
عزمان ديشلرووون،
وارديغي يئري،
پارام پارچا ائده جگي،
گون کيمي آچيق
“آخ وطن!” دئييبن،
آغلارکن تيمساحلار تکين،
چوروک، چيرکين چانقاللارووو،
باتيرماق ايسديرسن،
قوزو وطنين شاهدامارينا
باجارا بيليرسنسه بير گون،
بو ناموبارک هيله ني،
بيرينجي نفسده؛
وطنين سودونو،
ايکينجي نفسده قانيني،
اوچونجو نفسده قالان جانيني،
تام بير “تپه گؤز” کيمي،
قورت دييه،
اوداجاقسان،
دويماق بيلمه يه ن گؤزلرووه،
و ييرتيلماق بيلمه يه ن،
چيرکين قارنووا!
قوخوموش جمدگلري،
توپلاياراق قارا قورصاغووا،
قارتاللار مکانينا چيخيب،
اوووتماق ايسديرسن قورخاق سورونو،
و ائييتمک ايسديرسن،
سودلو اينکلري.

سن امما،
يالنيز بير “تپه گؤزسن”
تام بير “تپه گؤز”.

آي قارا بولود!
نه قدر توتماق ايسده سنده،
پارلاق اوزونو،
نازلي گونشين؛
يولونا دوام ائده جک،
گئجه و گوندوز.

جايماياجاق جيغيريندان،
نه آي، نه گون، نه اولدوز
و مينلرجه بنزرون،
چورويوب، ازيله جک،
حاقيقتين گوجلو چرخلري آلتدا
يادا بويون اَيه جکسن،
آسلان ” بوسات ” لارين،
کسکين قيلينجينا
سن، ان ايلکل گودولرين گوجويله،
ساريليبسان،
” آنا وطن ” اين مؤحتاج بوغازينا،
و گؤز ياشي تؤکورسن، غريزه امريله،
اويموش ويجدانلاري آلداتماق اوچون.
اورگيم يانير،
ياتميش ويجدانووون،
يوخسونلوق و جيمريليگينه
نئجه ده اسير قاليبسان،
وحشي غريزه لر الينده