یاشاسین آذربایجان - Long live Azerbaijan

.

داهي فوضولي اونو عبث يئره «زمانه نين پادشاهي» آدلانديرماييب. شاه ايسماييل خطائي حاکيميتي دؤورونده هم سيياست، هم ده شعر صنعتي نين کلاسيکي کيمي آذربايجاني دونيادا ياخشي تانيتميشدي. اونون حاکيميتي ايللرينده اؤلکه حربي، ايقتيصادي و سياسي قودرتينه گؤره ان بؤيوک دؤولتلردن بيري ايدي. آما ايندي بو تاريخي شخصيتين ۵۲۰ ايلليک يوبيلئيي نين (دوغوم گؤنو) هانسي تدبيرلرله قئيد اولوناجاغي ايله ماراقلانيب. آما تأسوف کي، خطاي نين يوبيلئيي نين قئيد اولونوب-اولونماياجاغي ايله باغلي کونکرئت جاواب آلا بيلمه ييب. مدنيت

---

---

بو ايل آذربايجانين بؤيوک تاريخي و مدني شخصيتلريندن بيري - شاه اسماييل خطائي نين آنادان اولماسي نين ۵۲۰ ايلليگي تامام اولور. تاريخده قودرتلي حاکيميتي ايله تانينان صفويلر دؤولتي نين اساسيني قويان، ائلجه ده فعاليتي عرضينده اينديکي آذربايجانين دا فورمالاشماسيندا بؤيوک خيدمتي اولان خطائي هم ده کلاسيک ادبياتين ايستعدادلي نوماينده لريندندير.

تورک ديلي نين دؤولت ديلي ائلان اولونماسي محض اونون آدي ايله باغليدير. گؤروندويو کيمي، خيدمتلري تاريخيميزه يازديغي آدي قدر بؤيوک و هونرلي سسله نير. آما گلين گؤرک باشقا خالقلارا تانيدا بيلمه ديگيميز بو تاريخي شخصيتي اؤز اؤلکه وطنداشلاريميز تانيييرمي؟

پايتاخت ساکينلرينه آنس تو-نين وئرديگي سوال ايسه چوخ ساده ايدي. شاه اسماعيل خطائي کيمدير؟ سورغونون نتيجه سي چوخ آجيناجاقليدير. سورغودا ايشتيراک ائدنلرين اکثريتي خطايني تانيماديقلاريني بيلديريبلر.

تانيمايانلار بير طرفه، تانييانلار ايسه خطائي نين يا يالنيز شاعير، يا دا دؤولت باشچيسي اولدوغونو دئيير. آما بيلمه ليديرلر کي، ۱۳ ياشيندا آرتيق موستقيل سياسي فعاليته باشلايان ايسماييل ۱۵۰۰-اونجو ايلدن اعتيبارن اوچ قيته ده يئرلشن و اراضيسي ۳٫۵ ميليون کيلومتر مکعب اولان صفويلر دؤولتي نين ياراديجيسي، فلسفه، آسترونومييا (اولدوز بيليملري)، رياضيات، ادبياتشوناسليق کيمي علملري دريندن بيلن عاليم و «نصيحت نامه»، «دهنامه» کيمي ادبيات نومونه لري نين مؤليفيدير.

داهي فوضولي اونو عبث يئره «زمانه نين پادشاهي» آدلانديرماييب. شاه ايسماييل خطائي حاکيميتي دؤورونده هم سيياست، هم ده شعر صنعتي نين کلاسيکي کيمي آذربايجاني دونيادا ياخشي تانيتميشدي. اونون حاکيميتي ايللرينده اؤلکه حربي، ايقتيصادي و سياسي قودرتينه گؤره ان بؤيوک دؤولتلردن بيري ايدي. آما ايندي ندنسه خطاي ايله باغلي تاريخي مقاملار دؤولت سويييه سينده قئيد اولونمور.

آنس بو تاريخي شخصيتين ۵۲۰ ايلليک يوبيلئيي نين (دوغوم گؤنو) هانسي تدبيرلرله قئيد اولوناجاغي ايله ماراقلانيب. آما تأسوف کي، خطاي نين يوبيلئيي نين قئيد اولونوب-اولونماياجاغي ايله باغلي کونکرئت جاواب آلا بيلمه ييب. مدنيت و توريزم نازيرليگيندن بيلديريبلر کي، بو مسئله اونلارين دئييل، ميللي علملر آکادئميياسي نين صلاحيتينه داخيلدير. آکادئمييادان ايسه يوبيلئي ايشينه يالنيز پاييز آيلاريندا باخيلا بيله جگيني دئييبلر.آنس (باشليق باي بک)

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی