یاشاسین آذربایجان - Long live Azerbaijan

.

بونون اوچون ايسه رسمي ايروان ۳۵۰ ميليون دولارين لازيم اولدوغونو بيلديرير رسمي ايروان ايشغال ائتديگي آذربايجان تورپاقلاريندا، او جومله دن داغليق قاراباغدا ۳ ايل عرضينده ائرمني قاچقينلاري نين يئرلشديريلمه سي پلانلاشديرير. بو باره ده معلوماتي ” نوووستي آرمئنييا ” آگئنتليگينه ائرمنيستان اراضيلري نين ايداره ائديلمه سي نازيرليگي نين ميقراسييا آگئنتليگي نين رهبري قاقيک يئقانيان وئريب. ائرمني قاچقينلاري نين آذربايجانين ايشغال اولونموش اراضيلرينده يئرلشديريلمه سي اوچون ۳۵۰ ميليون دولارا ياخين وسايتين طلب اولوندوغونو بيلديرن قاقيک يئقانيان اونو دا دئييب کي، بو وسايت حسابينا ۱۰۰ مين نفرين

---

---

بونون اوچون ايسه رسمي ايروان ۳۵۰ ميليون دولارين لازيم اولدوغونو بيلديرير

رسمي ايروان ايشغال ائتديگي آذربايجان تورپاقلاريندا، او جومله دن داغليق قاراباغدا ۳ ايل عرضينده ائرمني قاچقينلاري نين يئرلشديريلمه سي پلانلاشديرير. بو باره ده معلوماتي ” نوووستي آرمئنييا ” آگئنتليگينه ائرمنيستان اراضيلري نين ايداره ائديلمه سي نازيرليگي نين ميقراسييا آگئنتليگي نين رهبري قاقيک يئقانيان وئريب. ائرمني قاچقينلاري نين آذربايجانين ايشغال اولونموش اراضيلرينده يئرلشديريلمه سي اوچون ۳۵۰ ميليون دولارا ياخين وسايتين طلب اولوندوغونو بيلديرن قاقيک يئقانيان اونو دا دئييب کي، بو وسايت حسابينا ۱۰۰ مين نفرين مسکونلاشديريلماسي مومکوندور. اونون سؤزلرينه گؤره مونبيت تورپاغي، يومشاق ايقليمي، بول سويو، زنگين فلورا و فاونايا ماليک داغليق قاراباغدا مسکونلاشماق ايسته ين آذربايجان وطنداشي اولان ائرمني قاچقينلار اؤزلري کؤنوللو شکيلده بئله بير ايستکده ديرلر. غريبه دير کي، داغليق قاراباغدا ائرمني قاچقينلارين مسکونلاشديريلماسي اوچون ۳۵۰ ميليون دوللار وسايتين طلب اولوندوغوندان و بو پروسئسين رئاللاشديريلماسي مقصديله ميللي پروقرامدان دانيشان يئقانيان ائرمنيستان حاکيميت اورقانلاري نين ائرمني قاچقينلاري نين داغليق قاراباغ اراضيسينده مسکونلاشديريلماسييلا هئچ بير علاقه سي نين اولماديغيني بيان ائديب.

مسئله يه موناسيبت بيلديرن ميللي مجليسين آناليتيک اينفورماسييا مرکزي نين موديري آيدين آغايئو دئيير کي، اگر واختي ايله آذربايجاندا ياشاميش ائرمنيلرين داغليق قاراباغا آيد اولمايان اراضيلرينده مسکونلاشديريلماسيندان صؤحبت گئديرسه، دئمه لي بونون موقابيلينده آذربايجان دا ائرمنيستاندان قووولموش، ائتنيک تميزلنمه يه معروض قالميش ۲۵۰ مين نفردن چوخ آذربايجانلي تاريخي اراضيلري اولان گؤيچه يه کؤچورولمه ليدير: ” البتته کي، ائرمنيستاندان ائتنيک تميزلنمه يه معروض قالاراق آذربايجانين موختليف اراضيلرينده مسکونلاشان ۲۵۰ مين نفر آذربايجانليلارين تاريخي تورپاقلاريميز اولان گؤيچه ده، زنگه زوردا، درله يه زده يئرلشديريلمه سي مثله سيني قويا بيلريک. رسمي ايروان واختي ايله آذربايجاندا ياشايان ائرمني قاچقينلاري نين مسکونلاشديقلاري يئرلري موختليف آدلارلا تقديم ائدير کي، بيز بو ايديعالاري قبول ائتميريک و تانيميريق دا. ديگر بير طرفدن، عوموميتله ائرمنيلرين ايشغال ائتديکلري آذربايجان اراضيلرينده ائرمنيستان اهاليسيني مسکونلاشديرما پروسئسي، ايستگي، نيتي يئني دئييل. آرتيق نئچه ايللردير کي، اونلار بو باره ده دانيشيرلار، آما بو مومکون اولان بير مثله دئييل. عئيني زاماندا دا بو مثله بين الخالق ايجتيمايتين ديقتينده اولان بير حاديثه دير.

واختي ايله آذربايجان بو باره ده مسئله قالديرميشدي و آ.ت.ت-اين فاکتاراشديريجي ميسسيياسي گليب آراشديردي و ايشغال اولونموش آذربايجان اراضيلرينده ائرمنيلرين قانونسوز عمللر تؤرتمه سي باره ده کيفايت قدر معلومات توپلاديلار. آ.ت.ت-اين ميسسيياسي اوراداکي اهالي نين ستاتيستيک وضعيتينه داير گؤستريجيلري ائلان ائتدي. يني اورادا ايشغالا قدر نه قدر اينسانين ياشاديغي و ايشغالدان سونرا اونلارين سايي نين غئيري-قانوني مسکونلاشديرما نتيجه سينده باش وئرن دييشيکلر سندلشديريلميشدي. تأسوف کي، بو پروسئس دواملي اولمادي. بير مقاما دا ديقت يؤنلتمک ضروريدير کي، ائرمنيلر بو قدر وسايتي هارادان تاپاجاقلار کي، مسکونلاشديرما عملياتيني حياتا کئچيرسينلر. هم ائرمنيستاندا، هم ده داغليق قاراباغدا ياشايان ائرمنيلر چوخ ياخشي بيليرلر کي، آذربايجانين ايشغال اولونموش اراضيلرينده مسکونلاشماق ايسته ين ائرمنيلرين سايي بو قدر دئييل. هئچ بو مسکونلاشديرما عملياتيني دا اونلار اؤزلري ايستميرلر. چونکي اونلار بيليرلر کي، بو تورپاقلار آذربايجان اراضيلريدير و بورادا مسکونلاشسالار دا گئج-تئز چيخمالي اولاجاقلار ” .

آيدين آغايئو اونو دا وورغولايير کي، ائرمنيلر ايشغال ائتديکلري اراضيلريميزده دئموقرافيک دورومونو اؤز خئييرلرينه هلله ائتمک اوچون تجاووزکار پلانلاريندان ال چکمک ايستميرلر و بو ايشغال فاکتيني بين الخالق عالمه قبول ائتديرمک، هوقوقي دون گئيينديرمک ايسته ييرلر: ” يقين کي، آذربايجان هؤکومتي ده مووافيق قايدادا، مووافيق بين الخالق تشکيلاتلارلا و ايمکانلاري داخيلينده بو ايشلرين قارشيسيني آلماق مقصديله تدبيرلر گؤرمه ليدير. دئموقرافيک سيتواسييانين دييشديريلمه سي نين داغليق قاراباغدا کئچيريلمه سي حاقيندا موعين صؤحبتلر گئدن، وئرسييالار سسلنن رئفئرئندوملا علاقه سينه گلينجه، من بو باره ده هله کونکرئت دانيشماغين طرفداري دئييلم. بو صولح پلانلاري ايله باغلي سسلنديريلن موختليف فيکيرلردن بيريدير و آذربايجان دا هله ليک رسمي قايدادا بو مثله لره اؤز مؤوقئييني بيلديرمه ييب. چونکي بو غئيري-عادي بير فيکيردير و اونون گئرچکلشمه سيني رئال سايماق دا دوزگون اولمازدي. عوموميتله، ائرمنيلرين اوزلشديگي پروبلئم ندير؟ هله ايشغال اولونموش اراضيلريميز بير کنارا قالسين، آذربايجانين داغليق قاراباغ اراضيسينده ائرمنيلرين مسکونلاشديريلاراق سايي نين آرتيريلماسي پروبلئمي وار. حتّی اوللر بورادا ياشايان ائرمنيلر بو و يا ديگر سببلردن کؤچوبلر. آيديندير کي، بو اراضي بؤيوک اولماسينا باخماياراق اهالي حددن آرتيق آزدير.

ائرمنيلرين اساس استراتئژي نيتي ايشغال اولونموش داغليق قاراباغلا ياناشي، ديگر اراضيلرده ياشايان ائرمني اهاليسي نين ساييني آرتيرماقدير. ايستر خاريجي دؤولتلرين، ايسترسه بين الخالق قوروملارين، ايسترسه ده ايشغال اولونموش اراضيلره سفر ائدن ژورناليستلرين وئرديگي معلوماتلاردان بللي اولور کي، اورادا ياشايان ائرمنيلرين ياشاييشي هئچ ده جلبئديجي دئييل. سئپاراتچيلارين فورمالاشديرديغي قوندارما قوروم اؤز مؤوجودلوغونو عصاسلانديرماق اوچون موختليف واسيطه لره ال آتير ” . آيدين آغايئوه گؤره، بوتون بونلار اؤزباشينا باش وئرمير و بو پلانلاري ائرمنيستان حاکيميتي حياتا کئچيرمه يه چاليشير: ” آرتيق کئچن بو ايللر گؤستردي کي، داغليق قاراباغدا کئچيريلن قوندارما سئچکيلره قدر بوتون هر شئي ائرمنيستاندا هلل اولونور. منه ائله گلير کي، ائرمنيلرين مسکونلاشديرما سيياستي نين علئيه اينه مووافيق بين الخالق پراکتيکادا هانسي آدديملارين آتيلماسي مومکوندورسه، بونونلا باغلي هانسي هوقوقي بازا مؤوجوددورسا، آذربايجان دا اونلاردان يارارلانماليدير. بورادا اساس مسئله پروبلئمه موناسيبتده هانسيسا مؤوقئيي اولان و هانسيسا جهدلري ائدن بين الخالق تشکيلاتلارين ديقتيني پروبلئمه يؤنلتمکدير. قئيد ائتديگيم کيمي بئله بير پراکتيکا، تجروبه وار و آذربايجان يئنيدن اونا قاييدا بيلر. بو مسئله لر بين الخالق موستويده موزاکيره اولوندوغو، هلل ائديلديگي اوچون آذربايجان بين الخالق بيرليکلره موراجيعت ائتمه ليدير”.آخجپ

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی