د.ا.ک – دونيا آذربايجانليلاري کونقرئسي نين سياسي بؤلمه سي نين د.د.ا.ک آدينا ياييلان بيلديريشله باغلي رسمي آچيقلاماسي!
بای بک، آذربایجان | آنناآخشامي, ۴-ي قويروخدوغان , ۱۱۰۰۷ اینجی ایل, چولا ۰۲:۵۲ | بیلدیریش, تورکجه
 |
. | د.ا.ک-اين بوتؤولشمه سي، بؤيومه سي و آذربايجانين دونيا چاپيندا مرکز بير قورولوشا چئوريلمه سي قاچيريلمازدير!
اولو آذربايجان تورک ميلتي! د.ا.ک-اين ۹-اونجو کؤلن قورولتاييندا يئني د.ا.ک-ايه-ه تاپشيريلان ان واجيب وظيفه لردن بيري د.ا.ک-اين بوتؤولشمه سي مسئله سي ايدي. قورولتايدان سونرا د.ا.ک باشقاني سايين پروفسور صبري (تبریزی) بئي یين وئرديگي مئدييا بيلگيلري ده بونو آيدينلاشديرميشدير. د.ا.ک، بو يولدا هميشه اولدوغو کيمي اوزرينه دوشه ني يئرينه يئتيرمه يه حاضيردير. آنجاق سون گونلرده گون آذ تی.وی -اين بيرلشمه باهاناسي ايله د.ا.ک-اين يؤنتيميني تنقيد آتشينه توتماسي و تک يؤنلو اولاراق يالان و ساختا بيلگيلري ميلتيميزه آشيرماسي اينانيلماز |
(بیلدیری: احمد اوبالي نين يازيسي يازارين طرفيندن گؤنده ريلمه ديیي اوچون باي بک سایتندا يايينلانماييب، ايستکلريميز ايسه اوبالي جنابلاري طرفيندن جاوابسيز قاليب. او يازيني اوخوماق اوچون، احمد اوبالي-يا مکتوب يازيب و يا باشقا سایتلاردا آخدارا بيليرسيز)
د.ا.ک-اين بوتؤولشمه سي، بؤيومه سي و آذربايجانين دونيا چاپيندا مرکز بير قورولوشا چئوريلمه سي قاچيريلمازدير!
اولو آذربايجان تورک ميلتي!
د.ا.ک-اين ۹-اونجو کؤلن قورولتاييندا يئني د.ا.ک-ايه-ه تاپشيريلان ان واجيب وظيفه لردن بيري د.ا.ک-اين بوتؤولشمه سي مسئله سي ايدي. قورولتايدان سونرا د.ا.ک باشقاني سايين پروفسور صبري (تبریزی) بئي یين وئرديگي مئدييا بيلگيلري ده بونو آيدينلاشديرميشدير. د.ا.ک، بو يولدا هميشه اولدوغو کيمي اوزرينه دوشه ني يئرينه يئتيرمه يه حاضيردير. آنجاق سون گونلرده گون آذ تی.وی -اين بيرلشمه باهاناسي ايله د.ا.ک-اين يؤنتيميني تنقيد آتشينه توتماسي و تک يؤنلو اولاراق يالان و ساختا بيلگيلري ميلتيميزه آشيرماسي اينانيلماز پروپاکانتا و شانتاژ مئيدانينا سبب اولموشدور. ۲۳/۰۷/۲۰۰۷ تاريخده بير چوخ مئدييالارا ياييلان د.د.ا.ک آدينا احمد اوبالي بئي یين مکتوبو، همين شانتاژلي داورانيشين دوامي اولاراق سورموش و د.ا.ک-چيلار ايچينده منفي هيجانلار ياراتميشدير. بئله کي، د.ا.ک-اي آذربايجانين بير ميللي قورولوشو قبول ائدن چوخلو دوستلار طرفيندن بيزه موراجيعتلر اولموش، بو هاقدا ندن سوسموشسونوز کيمي سورغولار اورتايا قويولموشدور.
عزيز ميلتيميز!
بير چوخلارينا بللي اولدوغو کيمي، ۲۰۰۳-اونجو ايلدن بري د.ا.ک-اين او زامانکي ايداره هئيتي نين ايکي عوضوو – سايين جاوانشير امير هاشيمي و سايين احمد اوبالي د.ا.ک-دان آيريلميش و بير نئچه آرخاداشلاري ايله بيرليکده ايکينجي د.ا.ک آدينا فعاليت ائتميشديرلر. د.ا.ک-دان آيريلان دوستلار ۲۰۰۵–خرداد (مي) گونئي آياقلانماسي گونلرينده سئچگين آغساققالار (مرهوم م. کنگرلي، پروفسور صبري و ب…) طرفينده يوغون ايستکلر قارشيسيندا، د.ا.ک-آ بيرلشمک اوچون دانيشيقلارا بؤيون اَيسه لر ده، دانيشيقلاري ياريدا بوراخميشديرلار. بئله داورانيشا دؤزه بيلمه يه ن سايين جاوانشير امير هاشيمي و سايين موستفا آلينجا اعتيراض علامتي اولاراق احمد اوبالي دسته سيندن آيريليب، ” گونئي آذربايجان کونقره سي (گ.ا.ک) ياراتميشديرلار. او زامان بيرلييه قارشي چيخانلارين بايشني چکن اوبالي بي، تکجه د.ا.ک-اين بيرلشمه سي دئييل اوچونجو دفعه اولاراق د.ا.ک-چيلارين پارچالانماسينا زمين ياراتميشدير. د.ا.ک همان زامان ايکي بيلديريشله ميلتيميزه موراجيعت ائتدي.
۱-اینجي بيلديريشده دئييلير:
هر طرفدن ۵ نفرين بير آرايا گلمه سي بير چوخ سويداشي سئوينديرسه ده ايکي توپلانتيدان آرتيق دوام ائتمه دي. قارشي طرفي نوماينده ليک ائدن بير دوست، ان ايلکين ديپلوماتيک چرچيوه لره سيغمادان سيستئملي دانيشيقلاردان قاچير و يالنيز ايتتيهام کاراکتئرلي داورانيشلارلا موزاکيره لرين گئديشينده انگل ياراتماق ايسته ييردي. او دوست، گونئيليلرين نه قدر بيرلييه مؤحتاج اولدوغونوي هئچه ساياراق، سورکلي شخصي سورونلاري
بيرليگي پوزان دوستلار، بير داها د.ا.ک-آ بيرلشمه مک اوچون حتّی آدلاريني دا دييشديرديلر. اونلار اؤزلريني د.د.ا.ک آدلانديرديلار. احمد اوبالي و د.د.ا.ک- چيلار گون آذ تی وی ايمکانلاريندان يارارلاناراق گئجه-گوندوز د.ا.ک-آ قارشي اولمازين ايفتيرالاري، يالان و تورکه ياراشمايان شانتاژلاري بوراخماقدان اسيرگمه ديلر. گون آذ تی وی اؤزونو بير دئموکراتيک و ميللي تلویزیون آدلانديرسا دا، حتّی بير دقيقه اولسون بئله د.ا.ک-آ مودافيعه ايمکاني وئرمه دي. جانلي یايينلاردا هر کس د.ا.ک-اي ساوونماق ايسته دي، سسي کسيلدي. گون آذ تی وی د.ا.ک يؤنتيميني خائن، ساتقين، آذربايجان حاکيميتي نين نؤکري آدلانديردي. طبیعي کي، بو ايديعالارينا گؤره، بير دانا اولسون بئله سند اورتايا قويا بيلمه دي. گون آذ تی وی بوتون گوجو ايله د.ا.ک-آ قارشي تخريبات مرکزي اولدو!!! سانکي د.ا.ک-چيلار قاراباغي ايشغال ائدن داشناکلار و يا تورک قاتيلي اولان پ.ک.ک-دير!!!
سون زامانلار گون آذ تی وی و شخصن احمد اوبالي بئي د.ا.ک-لارين بيرلشمه سيندن دانيشير. بوردا احمد بئیه اوز توتوب دئييريک: ” سئويملي احمد اوبالي بئي، سيزجه نه کيمي ده ييشيکلر د.ا.ک-دا اوز وئريب کي، د.ا.ک بير خائن، ساتقين و آذربايجان حاکيميتينه باغلي تشکيلاتدان، خاديم، دوغما و آذربايجان حاکيميتيندن باغيمسيز بير تشکيلاتا چئوريليبدير. سيزجه هانسي معجزه باش وئريبدير!؟ ” د.ا.ک-دا ده ييشن يالنيز د.ا.ک سدر آپاراتي نين و د.ا.ک مجليسي نين لغو اولماسيدير. بو ايکي اورقانين يئرينه ايسه ۱۷ نفرليک ايداره هئيتي و ۷ نفرليک نزارت تفتيش کوميته سي يئرلشير. بورادا گؤزه گلن هئچ ده ييشيکليک يوخدور. لغو اولونان مجليس باشقاني سايين سابير روستمخانلي، مجليس باشقان يارديمچيسي سايين پروفسور صبري تبريزي، د.ا.ک سدر آپارات باشقاني سايين دکتر جواد درختي، ايسوئچ (سوئد) اؤلکه نوماينده سي سايين م. آذر، د.ا.ک سدر آپاراتي نين سياسي موعاويني و سياسي بؤلمه نين رهبري ائلدار قاراداغلي بئي و باشقالاري کئچميشده اولدوغو کيمي بوگون ده د.ا.ک ايداره هئيتينده اؤز ايشلريني سوردورورلر. گؤروندويو کيمي سايين احمد بئي یين خائن آدلانديرديغي ۰۷/۰۷/۲۰۰۷-دن قاباقکي فردلر، يئنه ده د.ا.ک-اي يؤنتمکده ديرلر. بو دورومدا سئچيم احمد بئه يه قالير.
او سويداشيميز :،
آ) يا کئچميشلر کيمي د.ا.ک-اي يئنه ده خائن آدلانديرمالي، اؤز آنا ائوينه نيفرت پوسکورتمه يه دوام ائتمه ليدير،
ب) يا اؤزونون يالنيش يولدا اولدوغونو اعتيراف ائتمه لي، صميمي اولوب پئشمانليق دوياراق اؤز ميلتچي، ايستيقلالچي و فداکار سويداشلاريندان عذر ديله مه ليدير. بو زور بير ايش دئييل. يالنيز بيراز گوجلو و گئنيش اورکلي اولماق يئتر،
د.ا.ک-اين قاپيسي هر زامان آچيقدير. احمد اوبالي بي د.ا.ک-اين يولوندا چوخ اوغراشان سويداشلاريميزدان ساييلير. او قارداشيميزين د.ا.ک اوزرينده حاقي وار. آنجاق د.ا.ک بير شخصين ائهتيراسلاري ايله اؤز ميللي شخصيتيني پوزا بيلمز! د.ا.ک هر زامان بوتؤولشمه يه، ايشبيرليگي ياپمايا حاضير قورومدور. د.ا.ک يالنيز بوتؤولوک روحونا، گونئي ايستيقلالينا و آذربايجان دؤولتچيليگينه قارشي اولان قورولوشلارلا ايشبيرليگينه گيرمز!
بو هاقدا يئنه د.ا.ک-اين آرشيوينه موراجيعت ائديريک:
… ” داک، ميلتيميزين بو بؤيوکلوگو قارشيسيندا باش اَيير، بير داها ميلت يولوندا جانلا-باشلا قوللوق ائدن بوتون قوروم و قورولوشلاري واحيد ميللي قورتولوش جبهه سينده بيرلشمه يه چاغيرير. قوي بيزيم بيرلشمه یيميزله اينسانليق دوشمني اولان پانفاشيست فارس شووينيزمي نين عؤمرو سونا چاتسين ” …
(داک. مي آياقلانماسي.1-اینجي ايل دؤنومو…آرشيو ۰۷۰۵۱۱. ۲۰۰۷/۰۵/۱۱)
داک – دونيا آذربايجانليلاري کونگرئسي
سياسي بؤلمه آدينا
داک باشقان مواويني
ائلدار قاراداغلي
۲۵/۰۷/۲۰۰۷
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
- اؤنملي و سندلي بير مقاله: ايشته بارزاني - ايسرائيل ايليشکيلئري!..
- اؤزگورلوک قاورامي و پروبلئم اولاراق اؤزگورلوک - تورکان فيرينجي
- هالن تئهران حاکيملري نين دوستاغيندا اولان، صفري عاييله سي حاقيندا بيرينجي ايلتيشمه
- هشدار اسراییل: «آخرالزمان» هسته ای در راه است
- اورمو زندانين دا ساخلانيلان قوشاچايلي ميللتچيلرين دوروملاري ياخشي دئييل
- شکایت اسراييل از احمدی نژاد به سازمان ملل متحد
- حمله شديداللحن كشورها به توانمندي هستهاي اسراييل در مجمع عمومي آژانس
- بو يولون يولجولارينا: بو يول ميللئت يولودور، وطن يولودور، سئودا يولودور، سئوگي قايناغي! (بيرينجي بؤلمه) - ممد ريضا آغاپور
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
http://www.baybak.com
بای بک سایتیندان پرینت اولوب
http://www.11007.baybak.com/2005.azr
یازینین اینترنت آدرسی
گوروش کاپانیبدی