داک بيرله شير مي؟ سياوش يوسيفلي (احمد اوبالینین یازیسینا جواب)
بای بک، آذربایجان | آنناآخشامي, ۴-ي قويروخدوغان , ۱۱۰۰۷ اینجی ایل, چولا ۰۲:۳۳ [گ.ؤ] | تورکجه, مقاله
 |
. | من يازينيزي اوخويارکن چوخ شئيلره ديققئت ائتديم و اونلاري بو يازيمدا آلت-آلتا سيرالاياجاغام.
- ايلک اولاراق بونو بيلمه ليسينيز کي د.ا.ک و بيرلشمه آدي آلتيندا يازيني يازارکن، د.ا.ک تشکيلاتي ايچريسينده موزاکيره اولونماميش و د.ا.ک ايداره هئيتنين خبري اولمادان، سايتلارا بئله بير يازي نين وئريلمه سي سيزين منسوب اولدوغونوز تشکيلاتين آدينا بير عاجيزليک و د.ا.ک آدينا ايسه بير حؤرمتسيزليکدير. - سيز و غلامرضا صبري تبريزي بئي د.ا.ک-اين |
(بیلدیری: احمد اوبالي نين يازيسي يازارين طرفيندن گؤنده ريلمه ديیي اوچون باي بک سایتندا يايينلانماييب، ايستکلريميز ايسه اوبالي جنابلاري طرفيندن جاوابسيز قاليب. او يازيني اوخوماق اوچون، احمد اوبالي-يا مکتوب يازيب و يا باشقا سایتلاردا آخدارا بيليرسيز )
ده يرلي احمد بئي !!!
احمد بئي، اؤنجه سيزي و تئشکيلاتينيزدا چاليشان بوتون دوستلاريميزي شخصيم آدينا سالاملاياراق آذربايجان سايتلارينا وئرديگينيز د.ا.ک و بيرلشمه باشليغي آلتيندا يازديغينيز يازييا بير موناسيبت بيلديرمگي اؤزومه بورج بيلديم…
بورج بيلديم اونا گؤره کي، بيرلشمه کلمه سيني گؤردوم، بو يولدا چکديگيم اذيتلر ياديما دوشدو. ائله بو سببله سيزه جواب وئرمک يئرينده اولار دئيه دوشوندوم…
احمد بئي، ۱-اینجي د.ا.ک تاريخچه سي ايله علاقه لي يازميش اولدوغونوز يازيني اوخودوم و بو تاريخچه لري بيز هارداسا د.ا.ک-ا کؤنول وئرن بوتون بويوکلريميز، ديرلي شئخصيتلريميز و کؤنولداشلاريميز طرفيندن چوخ دينله ميشيک. سيزين بونلاري خاطيرلاتماغينيزدا دا بير ساکينجا گؤرولمور، آنلاتيلماليدير، دئييلمه ليدير، يالنيز بونلاري آنلاتارکن جومله لرينيزده سانکي بير درتدن موضطريب اولما مسئله سي قاباغا چيخير.
بو درتلردن يانيليب ياخيلما ساده جه سيزه عايد دييل، بوتون دوستلاريميز بونو گؤرور و بو درتلرين قايناغيني سادجه بير يئرده آختارماق دوزگون ده ييل.
من يازينيزي اوخويارکن چوخ شئيلره ديققئت ائتديم و اونلاري بو يازيمدا آلت-آلتا سيرالاياجاغام.
- ايلک اولاراق بونو بيلمه ليسينيز کي د.ا.ک و بيرلشمه آدي آلتيندا يازيني يازارکن، د.ا.ک تشکيلاتي ايچريسينده موزاکيره اولونماميش و د.ا.ک ايداره هئيتنين خبري اولمادان، سايتلارا بئله بير يازي نين وئريلمه سي سيزين منسوب اولدوغونوز تشکيلاتين آدينا بير عاجيزليک و د.ا.ک آدينا ايسه بير حؤرمتسيزليکدير.
- سيز و غلامرضا صبري تبريزي بئي د.ا.ک-اين ۹-اونجو قورولتاييندان اؤنجه بيرلئشمه آدينا صؤحبتلر آپارماغينيز چوخ طبیعيدير و بو سيزين حاقينيزدير. بو صؤحبتلرين آپاريلماسيندا فايدا واردير. تک يولوموز بيرلشمکدير البتته. ساده جه سيزين يووايا دؤنمه یينيز ده ييل، بوتون تشکيلاتلاريميزين تک يومروق اولماسيدير.
- من بئله باشا دوشورم کي هله د.ا.ک ايداره هئيتينده موزاکيره اولونماميش بو مسئله، البته ياخين زامانلاردا د.ا.ک ايداره هئيئتي نين ايلک ايجلاسيندا اله آلينار و مسئله هر طرفلي دوشونولوب بير قرارا گلينر. هورمتلي پروفسور غلامرضا صبري تبريزي ده بو فيکري ايداره هئيتينده اله آلمادان سيزه جاواب وئره جک قدر تجروبه سيز بير باشقان دييل.
- بئي، بيرلئشمه مسئله سيني چوخ گؤزل ديله گتيريرسينيز آما اونوتمورسونوز کي، د.ا.س ( دونيا آذربايجانليلاري سامميتي)نين کئچيريلمه سينده شخصينيز اولاراق، سيزي من چتينليکله راضي سالا بيلميشديم. آما تشکيلاتينيز اولاراق بونا OK وئرمه دينيز. سيز، “د.ا.ک ايچريسينده بعضي قوووه لر بو بيرلئشمه يه قارشيدير و چالشاجاقلار کي بو اولماسين” ايفاده سي ايشله ديرسينيز. ياخشي بس نه اوچون ساده جه ايکي تئشکيلاتين ده ييل، بير نئچه تئشکيلاتي تمصيل ائدن 300 نفره قدر سامميته توپلانماق ايسته ين شخصلرين اؤنونو کسدينيز؟ سيز هانسي بيرلشمکدن بحث ائديرسينيز؟؟؟ من سيزلري تئشکيلاتلار نامينه بيرلشمه يه ده ييل، آذربايجانين گونئيينده گئدن قيزقين مسئله لره اروپا و خاريجده کي آذربايجانليلار اولاراق دستک وئرک و بو ايچئرييه بير روح وئرسين دئيه، سسلنميشديم.
چوخ گئنيش پلانلانميش بير ميتينق و آرخاسيندان دا تشکيلاتلاريميز آراسيندا بير بيرليک مئموراندومو ايمضالاييب هاميميزين اورتاق چيخارلاري موستويزينده حرکت ائتمگيميزدن عيبارت ايدي بو. سيز بو سامميته تشکيلات اولاراق زامانيندا قاتيلسايدينيز ايندي هم ميللي شورا هم د.ا.ک هم ده د.د.ا.ک آرتيق بلکه ده بير يئرده فعاليت گؤستريردي.
- سيزين تشکيلات اولاراق بو ايشه گئج و منفي جواب ورمه یينيز سامميت اوچون دوشونولن يئرده اوتئل تاپيلماماسينا سبب اولدو. سامميتين اؤنونو تيخادينيز. مني د.ا.ک تشکيلاتي نين عوضوو اولماقلا سوچلادينيز. حالبوکي او سسله نيشيمي من شئخص اولاراق ائتميشديم. بو گون ايسه د.ا.ک ايسوئچ (سوئد) تمسيلچيسي اولاراق يازيرام.
- احمد بئي، دانيشيلاسي مؤوزولار چوخدور، آما اونلاري يازميرام، اونلارين دانيشيلماسي گره کي ر…
بير شئي اونوتولماماليدير کي، بيرلئشمه سؤزده دييل اؤزده اولوب يئنيدن داغيلماما پرينسيپلري داشيماليدير. ميللي ده يرلري اؤزونده داشييان و ميلتين او تايلي بو تايلي درديني بئلينه يوک ائدنلر بو پرينسيپلري اؤزلرينده بسله يه بيلر. د.ا.ک بودور، د.ا.ک چيليک دا بودور.
ان درين سايقيلاريملا
سياوش يوسيفلي
د.ا.ک ايسوئجه تئمسيلچيسي
[1] yusifli_seyavu…
004673-6403490
، بیر میللتین سسی
پایلاش | پرینت
بورا باغلي يازيلار:
- اؤنملي و سندلي بير مقاله: ايشته بارزاني - ايسرائيل ايليشکيلئري!..
- اؤزگورلوک قاورامي و پروبلئم اولاراق اؤزگورلوک - تورکان فيرينجي
- هالن تئهران حاکيملري نين دوستاغيندا اولان، صفري عاييله سي حاقيندا بيرينجي ايلتيشمه
- هشدار اسراییل: «آخرالزمان» هسته ای در راه است
- اورمو زندانين دا ساخلانيلان قوشاچايلي ميللتچيلرين دوروملاري ياخشي دئييل
- شکایت اسراييل از احمدی نژاد به سازمان ملل متحد
- حمله شديداللحن كشورها به توانمندي هستهاي اسراييل در مجمع عمومي آژانس
- بو يولون يولجولارينا: بو يول ميللئت يولودور، وطن يولودور، سئودا يولودور، سئوگي قايناغي! (بيرينجي بؤلمه) - ممد ريضا آغاپور
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
http://www.baybak.com
بای بک سایتیندان پرینت اولوب
http://www.11007.baybak.com/2004.azr
یازینین اینترنت آدرسی
یازیده ایشه آلینان اینترنت آدرسلری
[1] yusifli_seyavu…: http://www.11007.baybak.commailto:yusifli_seyavush@hotmail.com
گوروش کاپانیبدی