یاشاسین آذربایجان - Long live Azerbaijan

.

عطيه خانيمين سؤزلري: “چاغداش پرومئتوس بوگون طلسيمده، آخي او اؤلمزليگين سيرريني چؤزه بيلميش؛ بوندان اؤتري طلسيم قيريلاجاق و يارالار توختاقليغا اوغراياجاق ” سايين جنابلار ايلتيشمه ۲: سعيد متين پور بئيين حاقيندا گونئي آذربايجاني نين گؤرکملي اينسان

---

---

سايي: ۴۵۸/۲۰۰۷
تاريخ (داتئ): ۲۲ جولاي ۲۰۰۷

ب.م.ت، اينسان هاقلاري اوزره عالي کوميسسارليق

لوطفا بو ايلتيشمه ني اينسان هاقلاريني ساوونانلار اوزره باش کاتيبين اؤزل تمسيلچيسينه چاتديرين، هابئله آشاغيداکي قروپلارا دا دخلي وار:
• اؤز-خوشونا توتوقلولار اوزره چاليشان قروپ
• چاغداش عيرقچيليک و آيري-سئچکيليک اوزره اؤزل راپورتئر
• ميللي آزليقلار اوزره موستقيل موتخصيص
اوزو ديکئ بي، خانيم هارريسون، آمنئستي اينتئرناتيونال، لوندون

سعيد متين پور

عطيه خانيمين سؤزلري:
“چاغداش پرومئتوس بوگون طلسيمده، آخي او اؤلمزليگين سيرريني چؤزه بيلميش؛ بوندان اؤتري طلسيم قيريلاجاق و يارالار توختاقليغا اوغراياجاق ”

سايين جنابلار

ايلتيشمه ۲: سعيد متين پور بئيين حاقيندا

گونئي آذربايجاني نين گؤرکملي اينسان هاقلاري ساووناني اولان سعيد متين پور بئيين اينسان هاقلاريني قوروماق اوچون يئني بير ايلتيشمه هوزورلارينيزا تقديم ائديريک کي، او ايران يئتگيليلري طرفيندن اؤز-خوشونا تقيبلره معروض قالميشدير. ديقتينيزه سونولان بلگه لر بونلاردير:

جدول ۱*: متين پور بئيين حيات يولداشي طرفيندن حاضيرلانميش بير قيسا متنين ترجومه سي. بورادا او گؤسترير کي، حيات يولداشي اوچون اينسان هاقلاري ساوونما نئجه ‘اؤلمزليگين سيرري’ کيمي چيخيش ائدير و بو آنلاييش نئجه گونئي آذربايجان ميللي حرکتي نين حرکتوئريجي قوووه سيدير

جدول ۲*: ينسان هاقلاريني ساوونانلار اوزره باش کاتيبين اؤزل تمسيلچيسي نين ديقتينه چاتديرماق ايسته نيلن ايلتيشمه فورماسي.

ايسترديک بونو خاطيرلاداق کي، متين پور بئي حاقيندا بو ايکينجي ايلتيشمه دير (بيرينجيسي: ساي ۴۴۶/۲۰۰۷، تاريخ: ۴ مارچ ۲۰۰۷). نه ايسه، ايران يئتگيليلري اونا قارشي اؤز-خوشونا صورتده بير قوولوق قورشالاياندان سونرا ۳ مارچ ۲۰۰۷-ده او بوراخديلار. بو ايکينجي ايلتيشمه قاباقکيندان آيريدير و مي ۲۰۰۶ خالق اعتيراضلاري نين ايلدؤنومونو قئيد ائتمک ايله علاقه داردير. اونون آدي بيزيم بيرگلشميش ايلتيشمه ميزده قئيد اولونموشدور (ساي: ۴۵۷/۲۰۰۷، تاريخ: ۴ جولاي ۲۰۰۷).

تاکيد ائتمک ايسته ييريک کي، بو ايلتيشمه ني ترتيبينده بيز متين پور بئي ياخود اونون عاييله سي ايله علاقه قورماميشيق. بو مسئوليتي بيز اؤز بوينوموزا آلماق ايله متينپور بيين بوينوندان مسئوليتي گؤتورمک ايسته ييريک.

متين پور بئي يوزلرجه آذربايجانليلاردان بيريسيدير کي، گونئي آذربايجان ميلتي واسيطه سي ايله مي ۲۰۰۶ خالق اعتيراضلاري نين ايلدؤنومونو قئيد ائتمک اوزره تقيبه معروض قالميشلار. اونون ايشگنجه يه معروض قالماسي دا بلليدير و نتيجه ده بو و جليل غنيلو دوسيه لري اوزره هله ده حرکته گيريشمه ميشسينيزسه سيزي واخت ايتيرمه دن حرکته گيريشمه يه تلسديريريک. قايغينيز اوچون ميننتداريق.

حؤرمت ايله
بؤيوک رسولوغلو

دونيا آذربايجانليلاري نين هاقلاريني مودافيعه کوميته سي نين سدري

لوتفن بيلگي فايليني بوردان آلين: [1] کليک ائدين

، بیر میللتین سسی

_ _ _ _ _ _ _
مربوط اُلان یازیلار

• ===> اولوسلارآراسي باغيش اؤرگوتوندن سعيد متين پور باره ده بيانات

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی