قارامجموعه و ایلگی‌لر

قارامجموعه و ایلگی‌لر - سید حیدر بیات

بای بک، آذربایجان | آراگؤن, ۱۹-ي قوراپيشيرن , ۱۱۰۰۷ اینجی ایل, چولا ۲۱:۴۲ | خبرلر, فارسجا

چوخلو آدلارینی ائشیدیب و انترنیتده یازیشیب، تلفوندا دانیشدیغیمیز آنجاق اوزده بیربیریمیزی گؤرمه‌دی‌ییمیز یولداشلاری گؤره بیلدیک. او جومله‌دن: نازخند صبحی، محمد صادق نائبی، حلال کسائی، سیامک سلامزاده و…

قارامجموعه و ایلگی‌لر

باستانی پاریزی دئییر «بیر سمیناردا چوخلو قدیم دوستلاریمیزلا گؤروشه بیلدیک و بیر دن بیره دیلیمه گلدی:
در سمینار و مجلس ترحیم
میشود دید دوستان قدیم

سونرا دئدیم باغیشلایین ضعیف بیر بیت اولدو آنجاق ائله ایندی فی البداهه دئدیم دئدیلر یوخ بابا اتفاقا چوخدا یئرینده ایدی بو بیت مثله چئوریله جک.»
پاریزی‌نین بو شعری همیشه قورولتایلاردا یادیما گلر. دونن تهرانین بهمن فرهنگسراسیندا قورولان تؤرنده ده دؤنه لر بو شعری زمزمه ائله‌دیم.

باشقا دوستلارلا دا کی گؤروشو تزه‌له‌دیک. دئییر امام خمینی دئیه‌رمیش: «ایلده بیر یول بوتون شهرلرین عالیم‌لری بیر یئره ییغیشیب هئچ دانیشماییب فقط بیر چای ایچیب داغیلسینلار، بو ییغینجاقلارین و گؤروشلرین اونلاری ایشی‌نین ایره‌لی گئتمه‌سینده و اسلامین تبلیغینده چوخ اؤنملی رولو اولا بیلر.»

میشل فوکودا یازیر: «ایندی قودرت اقتصاد یا نظامی گوجلرله اله گلمه‌ییر بلکه گوج ایلگی‌ده‌ دیر».

بو سؤزو دؤنه دؤنه تکرار ائتمه‌لی‌ییک. ایلگی‌سیز هئچ شئی باشا گلمز. اونا گؤره ده ملی‌فعاللار هر بیر مراسیمین محتواسینا باخمادان قاباق گرک یالنیز ایلگی قورماق اوچون بو مراسیملره قاتیلماغا چابا گؤستره‌لر. البته طبیعی‌دیر کی بیر سیرا اؤزل مراسیملرین ده باشقا مسئله‌لره گؤره خئیریندن کئچمه‌ک اولار.

اما دونن کی مراسیم یانی قارا مجموعه‌یه و دوکتور صدیقین آغیرلاماسینا عایید اولان مراسم چوخدا زنگین و دولغون بیر مراسیم‌ایدی و آذربایجان حرکتی‌نین علمی ساحه‌لرده انکشافیندان خبر وئریردی. دانیشیقلار و یازیلار خلور باتمان دویغوساللیق‌لار و شوعارلاردان اوزاقلاشیب و تام علمی بیر یؤن تاپمیشدیلار. چیخیش ائدنلرده هامیسی گنج نسل‌دن‌ایدیلر.

مرتضی مجدفرین آپاریجی‌لیغی دا آلقیشا لاییق ایدی.

اما من بیری راضی ایدیم اورادا هئچ چیخیش میخیش اولمایا و او اوچ ساعاتی یولداشلارین هامیسی ایله بیر به بیر دانیشام. سایین ائل اوغلو مراسمین وسطینده گلیب دئییر گل گؤروشک قورخورام مراسیمین سونوندا واخت اولمایا ماشاءالله یولداشلار هامیسی ییغیشب بورا گرک گؤروشک.
مراسیمدن بیر ایکی ساعات سونرا دا هله فرهنگسرانین قاپی‌سیندا دایانیب دانیشیردیق هئچ کیمین گئتمه‌یی گلمیر ایدی. نه ایسه آیریلمالی‌ایدیق و آیریلدیقدا.

اؤزوموزوک دونن چیخیش ائدنلرین ایکیسی قومدان گلمیشدیلر، بیریسی سایین داوود بهلولی بیریسی ده بو حقیر فقیر. شاید چوخلاری بیلمه‌یه‌لر آقای بهلولی قومدا یاشاییر و قارامجموعه‌نی ترجمه و نشر ائدیب‌دیر.

شکیل‌لر:
بو شکیل‌لری سایین شکر خدائی ایمیل ائدیب و اسفلرله دسته جمعی شکیل‌لر بونلارین ایچینده یوخ ایدی:

قارامجموعه و ایلگی‌لر

شکیلین توضیحی: آقای نائبی دئدی: دوکتور دایانین قارامجموعه‌ ده چالیشانلار بیر شکیل چکسینلر. ساغدان سولا: ۱. مهندس نائبی ۲. داوود بهلولی ۳. سید حیدر بیات ۴. اوستاد دوکتور صدیق

قارامجموعه و ایلگی‌لر