یاشاسین آذربایجان - Long live Azerbaijan

.

‎ - ‎کونکرئت آد چکه بيلرسينيزمي، کيمدير بو شاييعه لري يايانلار؟‎ ‎ ‎ ‎ ‎ - ‎بو گون د.ا.ک-اين اوچ دوشمني وار. بيري فارس شووينيزمي، ايکينجيسي ‏ائرمني داشناکلاري، اوچونجوسو ايسه پ.ک.ک تئررور تشکيلاتي. بونلار بيزي ‏اؤزلرينه قارشي گوج کيمي گؤرورلر. بونلار ال-اله وئريب تشکيلاتي داغيتماغا ‏چاليشيرلار. بو شاييه لري يايانلار دا بو تشکيلاتلارا خيدمت ائديرلر. بلکه ده ‏اونلارين آراميزا آتيلميش آداملاريديرلار‎. ‎ ‎ ‎ ‎ - ‎اؤتن ايل تنزيله روستمخانلي ايله آرانيزدا پروبلئم يارانميشدي، سيزه ‏قارشي موعين ايتتيهاملار سسلنديريردي‎

---

---

جواد درختي: «بو شاييعه لري يايانلار فارس شووينيزمينه و ائرمني ‏داشناکلارينا خيدمت ائديرلر‎»

- جاواد بي، اييولون ۷-سينده آلمانييانين کؤلن شهرينده د.ا.ک-اين ۹-اونجو قورولتايي ‏اؤز ايشينه باشلايير. حاضيرليق نه يئرده دير؟‎ ‎
‎ ‎
‎ - ‎قورولتايا حاضيرليق ايشلري يوکسک سويييه ده دوام ائدير. آرتيق ‏قوناقلار گلمه يه باشلاييب. منه معلومات وئريبلر کي، اونلارين اکثريتي ‏اوتئلده (هتل) يئرلشيبلر‎. ‎
‎ ‎
‎ - ‎د.ا.ک-اين فعاليتينده هانسيسا دييشيکليک گؤزله نيليرمي؟‎ ‎
‎ ‎
‎ - ‎نيظامنامه ده موعين دييشيکليکلر اولاجاق. قورولتايدا گونئي آذربايجان، ‏قاراباغ، گورجوستان و روسيه ده سويداشلاريميزين پروبلئمي ديقت مرکزينده ‏اولاجاق. روسيه ده گونده بير آذربايجانلي اؤلدورولور. لازيم گه لرسه بو باره ده ‏بير کوميته ياراداجاغيق. گورجوستانداکي‎ ‎سويداشلاريميزين تحصيل مسئله ‏سينه موناسيبت بيلديريله جک. اونلار اورادا کنار بير آدام کيمي تحصيل ‏آليرلار. بو مسئله ايله باغلي اؤلکه باشچيسينا و تحصيل نازيرليگينه موراجيعت ‏ائتميشديک. آما هئچ بير دييشيکليک باش وئرمه ييب. پروبلئم اولدوغو کيمي ‏قالير. بونو قورولتايدا قالديراجاغيق. چوخ اوغورلو بير قورولتاي اولاجاق. هم ‏دؤولت اورقانلاري، هم ده ضياليلار و ايجتيمايت نوماينده لري ايشتيراک ائده ‏جکلر‎. ‎
‎ ‎
‎ - ‎جاواد بي سيزي ماليييه يئيينتيلرينده ايتتيهام ائديرلر‎… ‎
‎ ‎
‎ - ‎د.ا.ک-اين بودجه سي وار کي، ماليييه يئيينتيلري ده اولسون. هاميسي ‏بوش سؤز-صؤحبتلردير. بو گونه کيمي د.ا.ک-اين بودجه سي اولماييب. او ‏يئيينتيلر هارادان اولا بيلر. دونيا آذربايجانليلاري فوندونو ياراتديق بير نفر پول ‏کؤچورمه دي. بونلار شاييه دن باشقا بير شئي دئييل. د.ا.ک اؤز فعاليتيني تام ‏شففاف شکيلده قوران بير تشکيلاتدير‎. ‎
‎ ‎
‎ - ‎سيزجه بو دئدي-قودولار هارادان قايناقلانير؟‎ ‎
‎ ‎
‎ - ‎بو دئدي قودونو يايان آداملارين هئچ بير ايشي يوخدور. اوتوروبلار باکيدا ‏بئکارچيليقدان بئله شاييه لر ياييرلار. ايسته ييرلر کي، د.ا.ک-اي دا آذربايجانين ‏داخيلينده فاليت گؤسترن تشکيلاتلارين سويييه سينه ائنديرسينلر. آنجاق ‏بيلسينلر کي، د.ا.ک بئله موناقيشه لره گيرمير و اؤز فعاليتيني آذربايجانچيليق ‏اطرافيندا دوام ائتديرير‎. ‎
‎ ‎
‎ - ‎کونکرئت آد چکه بيلرسينيزمي، کيمدير بو شاييعه لري يايانلار؟‎ ‎
‎ ‎
‎ - ‎بو گون د.ا.ک-اين اوچ دوشمني وار. بيري فارس شووينيزمي، ايکينجيسي ‏ائرمني داشناکلاري، اوچونجوسو ايسه پ.ک.ک تئررور تشکيلاتي. بونلار بيزي ‏اؤزلرينه قارشي گوج کيمي گؤرورلر. بونلار ال-اله وئريب تشکيلاتي داغيتماغا ‏چاليشيرلار. بو شاييه لري يايانلار دا بو تشکيلاتلارا خيدمت ائديرلر. بلکه ده ‏اونلارين آراميزا آتيلميش آداملاريديرلار‎. ‎
‎ ‎
‎ - ‎اؤتن ايل تنزيله روستمخانلي ايله آرانيزدا پروبلئم يارانميشدي، سيزه ‏قارشي موعين ايتتيهاملار سسلنديريردي‎… ‎
‎ ‎
‎ - ‎او، منيم موشاويريمدير. اؤتن ايل بير آنلاشيلمازليق اولموشدو، هلل ‏ائتديک.آنس‎

، بیر میللتین سسی

_ _ _ _ _ _ _
مربوط اُلان یازیلار

• ===> ‎د.ا.ک-اين قورولتايي کئچيريله جک‎
• ===> دونيا آذربايجان-ليلار کنگره سي (د.ا.ک)-ين موراجيعتي
• ===> "ايران-دا آذربايجان-ليلارين سايي گؤستريلن رقمدن چوخدور"
• ===> دئموکراتيک د.ا.ک ايداره هئيتي نين عوضوو يئگانه اميراسلانووا: "بو گون دياسپور تشکيلاتلاري ايقتيدارا و موخاليفته بؤلونوب"

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی