یاشاسین آذربایجان - Long live Azerbaijan

-علييئوه خيطاب، “سيز يالنيز قوزئيين يوخ بلکه اللي (۵۰) ميليون دونيا آذربايجانليلاري نين پرئزيدئنتيسينيز دييه رک يالتاقليق ائتمکله، وطن و ميلتي قورتارماق اولاماز.” -ايلهام علييئوين ميلت خزانه سيندئن چالديغي مينلر دولارا واران پارالاري، ديله نه رک، او غاصيب حاکيميتين رئکلاميني و پروپاگانداسيني ياپماقلا وطن و ميلت بوتؤولوگو يارانماز.

---

---

قوللارين قيريلسين خا…

يورد و اولوسا خائينجه اوزانان قوللار قيريلسين، اؤزلليکله ايشغال آلتيندا اينيلده ين وطن و اسيرليکده جان چکن گونئي آذربايجانا تورکونه دوشمنجه اوزانان قوللار.

بو قدرده اولورمو؟ هله دوننکي خاينجه آتديغينيز ايمضانين ياشي قوروماميشدير (بيلديگينيز کيمي ق.آذربايجاندا حاکيم اولان آنتي ميللي و توتاليتار رئژيم، نئچه آي اؤنجه اوتانمادان و چکينمه دن شرفيميزي لکه له ين ائرمنيستان رئژيمييله بيرليکده، ب.م.ت-نين اينسان هاقلاري شوراسي طرفيندن، ايران رئژيمي نين عليهينه حاضيرلانميش قطعنامه يه منفي سس وئره رک فارس فاشيست رئژيميني دستکله ميشدير، بو حيمايتين آنلامي نين نه اولدوغونو بيلمه يه ن اولمامالي، آما گينه ده قيسسا اولارق ايضاح ائتمه نين يارارلي اولاجاغيني دوشوندويوم اوچون، دئمه لييم بو او دئمکدير کي ايران حاکيميتي، دئموکراتيک بير سيستيم اولاراق، اينسان هاقلاريني آياق آلتينا آلماميش و هئچ بير ائتنيک و ميلتين اينساني و ميللي هاقلاريني او جومله دن گ.آذربايجانليلارين پولیتيک، سوسيال و کولتورل هاقلاريني سايمازدان گلمه ميشدير).

سيز (علييئو رئژيمي) دونيانين گؤزو اؤنونده، اؤزلم، هسرت و نيسگيللرله دولو قورتولوشا و اونا وارماق اوچون قارداش يارديمينا گؤز تيکن ۳۵٫۰۰۰٫۰۰۰ گ.آذربايجان تورکونون بوتون اينساني و ميللي هاقلاريني نئجه هئچه ساياراق، ب.م.ت-نين اينسان هاقلاري شوراسي نين بير رسمي اويه سي کيمي، تئروريست کؤچارييان دؤولتيله بيرگه، فارس فاشيست حاکيميتي نين لئهينه سس وئريب، تئهران رئژيمين گ.آذربايجان تورک ميلتي حاقيندا ائتديگي ظولم و جينايتلره اورتاق اولا بيلرسينيز؟

سيز نئجه آذربايجان اوغروندا قان و جانلاريني ايتيهاف ائدن شهيدلره و اونلارين ياسا بورونموش آنالارينا، گؤزلري اؤنونده خييانت ائده رک، قاراباغ ايشغالچيلاريلا بيرليکده ب.م.ت-نين اينسان هاقلاري شورسيندا ميللي شرف و اولوسال ناموس دوشمنلري نين نفعينه سس وئره بيلرسينيز؟

او زامان کي گ.آذربايجان ات و ديرناغيلا مانعه لري سؤکه سؤکه و ييخا ييخا سانتيم سانتيم قورتولوشا ساري ايره ليله مکده دير و اؤزوندن باشقا کيمسه هارايينا هاراي وئره ني يوخدور، سيز نئجه اولوسلاراراسي آلان و آرئنادا بو ميلتي خاينجه سينه سينه سيندن و کورگيندن خنجرله يه بيلرسينيز؟

(عزيزلر لوطفا بو آدرئسده [1] www.GAMOH.org فارسجا بؤلومونده يا بورادان [2] www.gamoh.org/… بی.بی.سی وريندن يايينلانميش بو باشليقلي “(نظارت منظم شوراي حقوق بشر بر ايران پايان مييابد)” خبري اوخويونوز.)

علييئو حاکيميييئتي بو کئز ايران رئژيمي نين پرابلئميني کؤکدن هلل ائتمه يه چاليشميش.

ق.آذربايجان حاکيميتي بنگلادئش و زيمبابوئيله بيرليکده، ب.م.ت-نين اينسان هاقلاري گؤزتچيلري نين ايران دا اينسان حاقي تاپدالانمير دييه نزارت و گؤزتچيليگينه سون قويموشلار.

نزارت و گؤزتچيلييه سون قويموشلار کي ايراندا حاکيم اولان غدار رئژيم داها گئنيش و داها قولاي ميلتچيلري آسيب کسه بيلسين.

سون قويموشلار کي روس، ائرمني و فارس فاشيزميني دوشمن بيله رک، تهديد ائدن گونئي ميلتچيلريني اؤلدوروب يوخ ائدرکن سسلري هئچ بير يئره چاتا بيلمئسين.

سون قويموشلار کي يورد و اولوسون بوتؤولوگونو آماجلايان حرکتچيلري ازيب يوخ ائتمکله، روس و فارس قوللوقچولوغوندا اولان علييئو حاکيميتينه ضرر و ضيان يئتيشمه سي نين اونونو آلسينلار.

و…

ايران رئژيمي ۲۸ ايلليک قارا و اوتانج وئريجي ياشامي بويونجا ۲۵ کره اينسان هاقلاريني چئينه ديگي اوچون ب.م.ت وريندن محکوم اولونموشدور، بونون آنلامي بودور کي دونيانين ان آنتيدئموکراتيک و غدار رئژيمي کيمي اون طرفيندن تانينميشدير.

گؤره سن علييئو رئژيمي هانکي بورجلاريني اؤدمک اوچون قارداشين قارداشا ائتمه ديگي يارديمي ايران رئژيمينه ائتمکده دير؟

سيزجه علييئوين بو يارديمي، ايران رئژيمي نين رحمتليک ائلچي بئي ميللي حاکيميتي نين ييخيلماسيندا اويناديغي چوخ اؤنملي، کيريتيک و هسساس رولو اوچون دئييلديرمي؟

سيزجه علييئولرين بو يارديمي گونئي آذربايجان ميللي هرکاتيني ايران رئژيمله بيرليکده قوشاتمايا سالاراق بوغما نيتيله دئييلديرمي؟

نييه کي بيلديکلري کيمي بو هرکاتين اساس آماجي ايران رئژيميني دئويره رک، گ.آذربايجانين ايستيقلاليني الده ائتمکله ياناشي يورد و اولوس بيرليگي ساغلاماقدير، بئله ليکله او رئژيملر آچيسيندان هرکات اؤز آماجلارينا واريرسا، ايکيسيده ساقيت اولاراق تاريخين زيبيلليگينه توللانماق زوروندا قالاجاقلار.

اينانيرام کي بؤيوک آذربايجان تورک ميلتي، ياخين گله جکده، علييئو کيمي دوشمن اويونجاقلاري نين بو تيپ اورئک بولانديريجي و اييرنج ائيلملري نين اؤنون کسه رک، داعوامينا ايزين وئرميه جکدير و ميلتلرينه قوللوق يئرينه خييانتي سئچميش حاکيميتيلري، يورد و اولوسا ائتديکلري خييانتلريندن دولايي، ميللي محکمه يه چيخاراراق، حاقي اولان جزاني وئره جکدير.

قونونو اوزالتماق نيتينده دئييلم، آما نئچه سؤزده علييئو حاکيميتي توزاغينا دوشموش بعضي ميلتچيليک ايديعاسي ائديب، ميلتلريني اؤن و آرخادان بيچاقلايانلارلا ايش بيرليگينده اولان قانديريلميش يازيق گونئيليلره خيتاب سؤيليه رک، يازيما سون قويورام.

-علييئولر سوفراسيندا قيدالانارکن ائلچيبيچيليک ايديعاسيندا بولونماق فيريلداقچيليق و حوققابازليقدان باشقا بير آنلام وئره بيلمز.

-ميللي حاکيميتي ييخان علييئولر پاراسييلا باکي هوتئللرينده ائيله نيب ايلهام لوببي چيليگي ياپماق درسي آلماقلا بوتؤو آذربايجان ياراتماغي يالنيز آبتاللار و آواناقلار دوشونه بيلر.

-ايلهام حاکيميتي امريله، گونئي هرکاتي اؤنجوللريني تخريب ائده رک قارالاماق جهديني يالنيز و يالنيز، او رئژيمين خطينده اولان ک.گ.ب تؤر تؤکونتولري ياپار.

-بوتؤو آذربايجان اوغروندا، ان دوغرو يولدا اولما ايديعاسي ائتمکله، علييئولرين ائتنيک، ديل و بوتون ميللي وارليغيميزا ائتديکلري تهريف و تخريبلري گؤرمزدن گلمک باغداشا بيلمز.

-بوتؤو آذربايجانچيليق ايديعاسي ائتمکله، سوندوغوموز فاکتلارا اساسن، ايلهام کيميلرلرين امري ايله اوتوروب قالخماقليق، عاغيل و منتطیقی اساس توتان اينسانلارين پولیتيکال و سوسيال داورانيشي اولابيلمز.

-علييئوه خيطاب، “سيز يالنيز قوزئيين يوخ بلکه اللي (۵۰) ميليون دونيا آذربايجانليلاري نين پرئزيدئنتيسينيز دييه رک يالتاقليق ائتمکله، وطن و ميلتي قورتارماق اولاماز.”

-ايلهام علييئوين ميلت خزانه سيندئن چالديغي مينلر دولارا واران پارالاري، ديله نه رک، او غاصيب حاکيميتين رئکلاميني و پروپاگانداسيني ياپماقلا وطن و ميلت بوتؤولوگو يارانماز.

و زاماني گلينجه بئله اؤيود و نصيحتلريميز چوخ اولاجاقدير، هله ليک بو قده ر.

يالانچي، بوش بوغاز، نئچه اوزلو و موزدلو قلم صاحيبلري ايصلاح و ايفلاهي اومودويله

، بیر میللتین سسی

_ _ _ _ _ _ _
مربوط اُلان یازیلار

• ===> علييئولر عاييله سي ده پارچالاندي
• ===> سيروس تبريزلي "آزادليق"دان ي.ا.پ-آ جاواب وئردي (آذربايجان اويانماليدير)
• ===> روسيه ايله آذربايجان سرحدلرينين معينلشديريلمه سينده راضيليغا گلينمه ييب
• ===> دولت کنوني جمهوري آذربايجان بزرگترين حامي رژيم شوونيست فارس
• ===> ائلمار هوسئينووون (ژورناليست) قاتيللرينه کؤمک ائتميش تورقاي بايراموو حبسخانادان واختيندان اول بوراخيليب

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی