یاشاسین آذربایجان - Long live Azerbaijan

ضيديتلر علييئولر عاييله سي نين داخيلينه کئچيب آما بو پارچالانما زولاقلاري آراسيندا داها بير ماراقلي ضيديت اؤزونو گؤسترير. بو، علييئولر عاييله سي نين داخيلينده پارچالانما تئندئنسيياسيدير. آللاه آخيريني ساخلاسين. چونکي آتالار دئميشکن، “آغالار ساواشاندا تپيک نؤکره ديير” و حاکيميت دوشرگه سينده بوتون موستويلر بويو پارچالانما و موناقيشه مرکزلري اؤلکهيه ياخشي هئچ نه ود ائتمير. هرچند، حيدريزم “بوتؤو واريانتدا” دا ميلت اوچون ضررليدير…

---

---

حاکيميت داخيلينده پارچالانما تکجه املاکين يئنيدن بؤلوشدورولمه سي اوغروندا موحاريبه موستويسينده قالماقلا کيفايتلنمه دي. حاديثه لر گؤسترير کي، بو موحاريبه عئيني زاماندا جيدي سياسي موتيولرله زنگينلشير.

ي.ا.پ سدري نين، يعني ايلهام علييئوين موعاويني سيروس تبريزلي نين پارتييادان قووولماسي بو موباريزه نين سياسي ماهيت قازانديغيني بير داها تصديق ائدير. هئچ کيم اوچون سيرر دئييل کي، سيروس تبريزلي حاکيميت ايمتييازلاريندان يارارلاناراق اؤزونه سروت قازانماق ائهتيراسي ايله آليشيب- يانان اوليقارخلاردان دئييل. او، ماهيتجه باشقا جور اينساندير و سروت توپلاماق عشقي اونون اوچون پريوريتئت اولماييب.

بو باخيمدان، ي.ا.پ اوچون سيروس تبريزلي نين “قييامي” گؤزله نيلمز و آنلاشيلماز ساييلا بيلر. شوبهه سيز، پارتييا دهليزلرينده حؤکمن بئله بير صؤحبت گزيب: ” بو نه ايسته يير؟ ” .

سيروس تبريزلييه باشقا بير “ايدئاليست” اين، علي عليرزايئوين قوشولماسي حاکيميت پارتيياسي نين ايدئولوژي سببلره گؤره چات وئرمه سي فيکريني گوجلنديرير.

ي.ا.پ پارچالانير. بوندان اول آتا علييئوين کومانداسيني پارچالاماغا باشلاماشديلار و پروسئس هله سونا چاتماييب. گؤزله نيلير کي، آتا علييئوين زامانيندان قالان کؤهنه کادرلارين هاميسي سيرادان آتيلاجاق و اوغول علييئوين کومانداسي ايله عوضلنه جک. بو کوماندانين اولکيندن هانسي پارامئتر و کئيفيتلرينه گؤره فرقلنه جگي ايسه تامام باشقا مؤوزودور.

دئمه لي، حاکيميت کومانداسي نين پارچالانماسي نين آرديندان ي.ا.پ-اين دا پارچالانماسينا استارت وئريلدي.

ضيديتلر علييئولر عاييله سي نين داخيلينه کئچيب

آما بو پارچالانما زولاقلاري آراسيندا داها بير ماراقلي ضيديت اؤزونو گؤسترير. بو، علييئولر عاييله سي نين داخيلينده پارچالانما تئندئنسيياسيدير.

آکادئميک جلال علييئوين حاکيميتداخيلي تعقيبلره موناسيبتي نين نظره آلينماديغي، آرتيق فاکتدير. اونون اؤزونون ايسه گاه “ائو دوستاغي” ائديلديگي، گاه پرئزيدئنتين قبولونا دوشه بيلمه ديگي باره ده متبوعات خبرلري ياييلير و تکزيب ائديلمير.
آما تاماميله يئني بير فاکت لندن منشاليدير. بئله کي، سيروس تبريزلي نين ي.ا.پ-دان چيخاريلماسينا ان ايستي اعتيراضلاردان بيري محض، بو شهردن- حيدر علييئوين قيزي سئويل علييئوادان گلدي. او، رضا عيبادووون واسيطه سيله يئتيرديگي خبرده سيروس تبريزلي نين مؤوقئييني دستکله ديگيني بيلديريب.

سيروس تبريزلي آتا علييئوين شخصيتينه پرستيشي پيسله ييردي. او، راميز مئهدييئوين “بتپرستليک” سيياستيني تنقيد ائتميشدي. بيان ائتميشدي کي، اؤلکه يالان راپورتلارلا ايداره ائديلير و خالقا يالانچي ستاتيستيک منظره لر سيرينير. سئويل علييئوا سيروس تبريزليني دستکله مکله بو اعتيراضي دا دستکله ديگيني بيلديرميش اولور.

بوندان اول سئويل علييئوا علي اينسانووو دستکله ميشدي. او، رسمي قزئته وئرديگي موصاحيبه ده الي اينسانووون مرحوم آتاسينا گؤسترديگي خوصوصي ديقتي خوصوصي ديقتله قئيد ائتميشدي. بوندان بيرجه هفته سونرا علي اينسانوو حبس ائديلدي. بئله چيخير کي، سئويل علييئوا آتاسي نين صاديق دوستلاريندان سايديغي علي اينسانووو گؤزله ين تهلوکه دن خبردار ايميش: بو حبسدن اول علي اينسانوو اروپادا ايدي.

سئويل علييئوانين نارازيليغي بوندان بير قدر ده اول، هم ده ياريم قاپالي شکيلده ايفاده ائديلميشدي. “Cpace” تی.وی-نين رهبرليگي دييشديريلنده. او زامان پرئزيدئنت آپاراتي نين، بئله گؤرونور کي، راميز مئهدييئوين ايراده سي ايله بو کانالا رهبر تعيين ائديلميش شخص جمعي 10-15 گون ايشله يه بيلدي. پرئزيدئنت آپاراتي نين کادريني چيخاريب، يئرينه سئويل علييئوانين اؤزونون تقديم ائتديگي شخصي تو کانالانين پرئزيدئنتي قويدولار: واقيف موستافايئوي.

***

حاکيميت داخيلي ضيديتلرين بو قدر کسکينلشمسي، اونون حتّی حاکيميت عاييله سي نين داخيلينه سيرايت ائتمه سي ايسه بو ضيديتلرين آرتيق گئريدؤنمز کاراکتئر آلديغيندان خبر وئرير.

آللاه آخيريني ساخلاسين. چونکي آتالار دئميشکن، “آغالار ساواشاندا تپيک نؤکره ديير” و حاکيميت دوشرگه سينده بوتون موستويلر بويو پارچالانما و موناقيشه مرکزلري اؤلکهيه ياخشي هئچ نه ود ائتمير. هرچند، حيدريزم “بوتؤو واريانتدا” دا ميلت اوچون ضررليدير…
سيياست شؤعبه سي-آزادليق

، بیر میللتین سسی

_ _ _ _ _ _ _
مربوط اُلان یازیلار

• ===> سيروس تبريزلي "آزادليق"دان ي.ا.پ-آ جاواب وئردي (آذربايجان اويانماليدير)
• ===> آذربايجاندا حاکيم پارتي حيدر علييئو-ين سيلاهداشلاريندان تميزله نير - ائلشاد پاشاسوي

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی