تبريز دادسيتانيسي امرينه اساسن چنگيز بخت آور مورداد (آوگست) آيي نين سونونا قدر حبسده قالماليدير
بای بک، آذربایجان | جمعه, 29th خرداد , 2007 اینجی ایل, چولا 15:36 [pm] | تورکجه, خبرلر
 |
. | اگر آذربايجان تورک ميلتي نين حاقلاريني بين الخالق قانونلارا اساسن طلب ائتمک و اونون اوغروندا موباريزه ائتمک ،ايران ايسالام حاکيميتي طرفيندن جورم ساييليرسا من بو جورومون جزاسيني چکمه يه جانلا باشلا حاضيرام . بو واسيطه ايله قانوني محکمه نين تشکيل اولماسيني طلب ائديرم .” بو پاراگيراف چينگيز بختاورين زينداندان سؤيله ديگي سؤزلردير .
سونوندا تامام بين الخالق حوقوق قوروملاري و عوموم ميللي فعاللاردان (خاريج ده و داخيلده) گونئي آذربايجان |
۲۲ مي قييامي نين ايل دؤنومو موناسيبتي ایله علاقه دار ۴۰ گوندن آرتيق غئيري قانوني حبس اولونان”چنگيز بختاور” آوگوست آيي نين سونونا قدر بوراخيلماياجاق. چنگيز ۲۰ مي دا ايش يئرينده ايرانين اطلاعات و امنيت قوه لري طرفيندن ياخالانيب. ۱۰ گوندن آرتيق غئيري قانوني شکيلده ايستينطاق مرحله سيني کئچيرديک دن سونرا تبريز محکمه سي نين ۱۹-اونجو بؤلمه سي نين قرارينا اساسن ۲ آي موووققت حبسه محکوم اولوب. اؤزو و حيات يولداشي طرفيندن حؤکمه اعتيراض ائديب و عدليه باشقاني و سايير مسئول مقاملارا اعتيراض مکتوبلاري يازديقدان سونرا ۲ آي حبس قراري حاکيم جناب “باهوش” طرفيندن سينديريليب و وثيقه قراري ايله آزادليقا بوراخيلماسينا چئوريليب.
آما نه يازيق کي تبريزين فاشيست و فارس شووينيزمي نين قويروغو اولان پراکرورلوقو اونون ( چنگیزين ) حيات يولداشي و عاييله سيني آلچاقجاسينا تحقير ائده رک حاکيميته باغلي اولان محکمه نين حؤکمونو غئيري نورمال شکيلده قبول ائتمه دن اونو جناب “علي اکبري” حاکيم اولدوغو باشقا محکمه يه ايرجا ائديب . عاييله دن آلديغيم معلوماتا اساسن کئچن هفته شنبه گونو (۲۳/۰۶/۲۰۰۷) چنگيز يئني دن موحاکيمه اولونوب و يئني قرارين وئريلمه سي گؤزله نيليردي ، آما نه تاسف لر کي تبريز پراکرورلوقو محکمه نين تشکيل تاپماسينا ايمکان وئرمه ييب و اؤزو شيفاهي شکيلده چنگيزين مورداد ( آوگوست ) آيي نين سونونا قدر حبس اولونماسي نين قرارين وئريب !
بو کيمي غئيري اينساني و غئيري قانوني ايشلر بوتون گونئي آذربايجان ميللي حرکاتي نين سياسي محبوسلارينا قارشي تطبیق اولونور و هدف ، ايرانين داخيلي و بين الخالق قانونونلارا و پرينسيپلره اعتيناسيز ياناشماسي ، اونلارين ايران ايسلام رئسپوبليکاسيندا اعتيبارسيز اولدوغو ، و اساسن سياسي محبوسلارين اؤزلري و عاييله لرينه پئسيکولوژيک باخيمدان تزييق گؤسترمک و روح دوشکونلویو ياراتماقدير !
نئجه اولور کي بير اينسان، جورمو آيدين اولمادان ، محکمه سي تشکيل تاپمادان ، اونا ( گويا ) قانوني محکمه دن جزا وئريلمه دن حبس ائديلير !؟
“اگر آذربايجان تورک ميلتي نين حاقلاريني بين الخالق قانونلارا اساسن طلب ائتمک و اونون اوغروندا موباريزه ائتمک ،ايران ايسالام حاکيميتي طرفيندن جورم ساييليرسا من بو جورومون جزاسيني چکمه يه جانلا باشلا حاضيرام . بو واسيطه ايله قانوني محکمه نين تشکيل اولماسيني طلب ائديرم .” بو پاراگيراف چينگيز بختاورين زينداندان سؤيله ديگي سؤزلردير .
سونوندا تامام بين الخالق حوقوق قوروملاري و عوموم ميللي فعاللاردان (خاريج ده و داخيلده) گونئي آذربايجان ميللي حرکاتي نين سياسي محبوسلارين حاقلاريني مودافيعه ائتمکده جيدي و آکتيو اولمالاريني خواهيش ائديريک. دوشمن آمانسيزجاسينا ضربه لرين ائنديرمکده دير ، بلکه بعضيلرينه بو مسئله تام دويولمور ! ، تزييقلر حاقيقتا جيدي دير. دوشمن تدريجن بيزيم انرژيميزي توکنديرمک ايسته يير. فيکير آيريليغي ، تفريقه سالماقلا گوجوموزو بؤلمکده دير. چوخ چتين ،حسساس ، گرگين دورومدور. گرچکدن بيرلشمک چاغيدير.
بیر جبهه ده , یومروق کیمی اولمالی ییق
وطنه , میللتیمیره , گله جک نسله جاواب وئرمه لیییک
یاشاسین گونئی آذربایجان میللی آزادلیق حرکاتی
بابک بختاور
، بیر میللتین سسی_ _ _ _ _ _ _
مربوط اُلان یازیلار
- ===> موقت حبس حؤکمونون سينديرماسينا باخماياراق٫ چنگيز بختاور هله ده تبريز زيندانيندا محبوسدور
- ===> ۱۱ گؤن ايشکنجه و سورقولانان چنگيز بخت آور٫ تبريز زيندانينا گؤنده ريلدي
پایلاش | پرینت
بورا باغلي يازيلار:
- زبان فارسي ، باستان گرايي و هويت ايرانيان٫ در پاسخ تقريرات رضا براهني - محمد جلالي چيمه
- نگاهي به ايدئولوژي و عملكرد جبهه ملي - سعيد رهبر
- “ملتها”، “مليتها” و “اقليتهاي ملي” در ايران - محمدرضا گرديزي
- وعده تاسيس بنياد شمس شناسي در تبريز٫ از سوي رئيس ميراث فرهنگي
- اعتراف روزنامه جام جم در خصوص وحشي بودن پارسها و نابودي تمدن تورک بدست آنان
- آموزش تحميلي فارسي و بازماندگي تحصيلي - بابک تاجراني
- موضوع نسل کشي ارامنه و اهداف سياسي پشت آن - الياس واحدي
- آئين نامه جديد نشريات دانشجويي تصويب شد
- عطوفت اسلامي در سرزمين امام زمان به اعتراف رؤساي سپاه پاسداران: شكنجههای مرگآور به اتهام کفتربازی
- قورتولوشا ساري يولوموز (بيراينجي بولوم) - ماحمود علي چؤهره گانلي
http://www.baybak.com
بای بک سایتیندان پرینت اولوب
http://www.11007.baybak.com/1580.azr
یازینین اینترنت آدرسی
گوروش کاپانیبدی