سيروس تبريزلي “آزادليق”دان ي.ا.پ-آ جاواب وئردي (آذربايجان اويانماليدير)
بای بک، آذربایجان | جمعه آخشامی, 29th اسفند , 2007 اینجی ایل, چولا 00:49 [am] | تورکجه, خبرلر
|
اونسوز دا خبردارليق ائتميشديم کي، يا مني پارتييادان چيخارين، يا دا بو يالانچيليق سيياستينه سون قويون. اونلار مني پارتييادان چيخارماق باره ده قرارلا بير داها سوبوت ائديبلر کي، يالانچيليق سيياستيندن ال چکميه جکلر.
بو قدر آجين، ايشسيزين، کاسيبين اولدوغو بير اؤلکه ده ميلتين داغيديجي بير سئل کيمي قالخاجاغيني حؤکمن گؤزله یين. بو، حؤکمن باش وئره جک. - ايندي آذربايجاندا وضعيت بيليرسينيز نئجه دير؟ مئهدييئو ساتقينلاري سئوير. ايسته ييرسن کي، ايشين قاباغا گئتسين، ساتقين اول، عقيده نه دؤنوک چيخ، هر شئي آرزولاديغين کيمي اولاجاق. من کوممونيستلرين دؤورونده ده، جبهه چيلرين دؤورونده ده، هئيدر الييئوين دؤورونده ده، ايندي ده دوز دانيشماقدان واز کئچمه ميشم. من نئيلگيم کي، دوز دانيشان آداملاري سئوميرلر؟ |
“بونلارا من ده لازيم دئييلم، ضيا بونيادوو دا لازيم دئييلدي!”
سيروس تبريزلي يئني آذربايجان پارتيياسيندان چيخاريلدي. شوبهه سيز، بو قرار اونون اوچون گؤزله نيلمز اولمازدي. اونجا گون اول سيروس تبريزلي داها ي.ا.پ-چي اولماماق اوچون بوتون مومکون “دانیشمالاری” اورتاليغا قويموشدو. گؤرونور، ي.ا.پ دا اونون بو “دانیشیقلارینی” نظره آلدي. سياسي شورانين قراري ايله سيروس تبريزلي يئکديلليکله ي.ا.پ عوضولوگوندن خاريج ائديلدي.
ي.ا.پ سياسي شوراسي نين بو قرارينا سيروس تبريزلي نين جاوابي اؤزونو چوخ گؤزلتمه دي. او، ائله دونن “آزادليق”آ بونلاري دانيشدي:
مني دوز ائديب او پارتييادان چيخاريبلار
- من اونسوز دا بئله ترددودلرله ياشاماق ايستميرديم. سون ايکي ايلده پارتييايا گئتمه ميشم. مني دوز ائديب او پارتييادان چيخاريبلار. ي.ا.پ-دان چيخاريلماقلا نوفوزومون داها دا آرتاجاغيني بيليرم. او پارتييانين سيرالاريندا قالديقجا نوفوزدان نئجه دوشدويومو هيسس ائديرديم. اونسوز دا خبردارليق ائتميشديم کي، يا مني پارتييادان چيخارين، يا دا بو يالانچيليق سيياستينه سون قويون. اونلار مني پارتييادان چيخارماق باره ده قرارلا بير داها سوبوت ائديبلر کي، يالانچيليق سيياستيندن ال چکميه جکلر.
او ياشدا کيشي اوتانماز-اوتانماز اوتوروب تعريف کيتابلاري يازير
- منيم پارتييادان چيخاريلماغيما سبب کيمي عوضولوک حاقيني مونتظم اؤده مه مه يي گؤستريبلر. من نييه عوضولوک حاقي وئرمه لييديم کي؟ بيم او پارتييانين حسابينا وظيفه لرده اوتوروب ميليونلار قازانانلار پارتيياني يارادان بير اينسان کيمي منيم يئريمه عوضولوک حاقي وئره بيلمزديلر؟ راميز مئهدييئوين پولو يوخدور کي، منيم عوضولوک حاقيمي وئرسين؟ او ياشدا کيشي اوتانماز-اوتانماز اوتوروب تعريف کيتابلاري يازير. بس بو نه واخت ايشله يير؟ هونري واردي، او تعريفلري 92-93-جو ايللرده يازاردي.
اونلارا او لازيمدير کي، ايلهام الييئوه گونده بير يالان دئسينلر
- يا دا او باشي هئچ ندن چيخمايان الي احمدوو… اونلارين هاميسينا يالنيز او لازيمدير کي، ايلهام الييئوه گونده بير يالان دئسينلر و گونون بيرينده ده اونون باشيني يئمک فيکرينه دوشسونلر. آما من امينم کي، خالق ايمکان وئرميه جک اونلار قاباغا دوشسونلر. بو قدر آجين، ايشسيزين، کاسيبين اولدوغو بير اؤلکه ده ميلتين داغيديجي بير سئل کيمي قالخاجاغيني حؤکمن گؤزله یين. بو، حؤکمن باش وئره جک. من بو خبردارليقلاري اونلارين اوزلرينه ده چيرپيشام.
من بئله پارلامئنتين عوضوو اولماق ايستمه ديم
- ايسته ييرديلر کي، من ميلت وکيلي اولوم و بو پارلامئنته دوشوم. آما من اؤزوم بوندان ايمتيناع ائتديم و قوي، بيلمه يه نلر ده بونو بيلسينلر. بئله بير ترکيبله پارلامئنت عوضوو اولماغي اؤزومه سيغيشديرماديم. نه يه گؤره ايستمه ديگيمي ده اؤزلرينه دئميشم و هئچ کيمدن چکينمه دن دئميشم. ايندي من متبوعاتا-فيلانا چيخميرام، او دئمک دئييل کي، منيم دئمه يه سؤزوم يوخدور.
حاقي دئمه سه م، گرک سيروس اولماييم
- منيم فيکريمدن هئچ زامان قهرمان اولماق کئچمه ييب. آنجاق هاقلي بيلديگيم سؤزلري دانيشماسام، هاقلي ايرادلاري توتماسام، اوندا گرک من سيروس تبريزلي اولماييم. هم ده حاکيميتده کيمين اولماسيندان آسيلي اولماياراق بو سؤزلري دئمه لييم. من فيکيرلريمده قاليرام. حساب ائديرم، هر بير ضيالي اؤز خالقينا خيدمت ائلمه ليدير. بيم، حاکيميت پارتيياسي نين رهبرليگينده اولوب “حاکيميتده سيماسيز قولدورلار پارتيياسيدير” دئمک آسان ايش ايدي؟! من هميشه حاقي دانيشاجام و سوسماياجام. بيليرم کي، بونلارين حاق سؤز دانيشاندان خوشلاري گلمير. بونلارا من ده لازيم دئييلم، ضيا بونيادوو دا لازيم دئييلدي!..
تأسوف کي، سسيمه سس وئرنلر آزدير
- من چوخ تأسوف ائديرم کي، چيخيشيمدان سونرا بو قدر آدامدان بيري سسيمه سس وئرمه دي. آما اوردا-بوردا بو قدر ميريلدايير، زيريلداييرلار… بيرجه الي اليرزايئو حاقيقتين گؤزونون ايچينه ديک باخا بيلدي. من او جاوان اوغلاني دا (”آزادليق” اين امکداشي قان تورالي نظرده توتور) باشا سالماق ايسته ييرم کي، آداملاري تانيمادان اونلارين حاقيندا اوبيئکتيوليکدن کنار ايفاده لري ايشلتمک اولماز. اولا بيلر کي، ايندي سانسور اولماديغينا گؤره بئله شئيلري يازماغي قاداغان دا ائتميرلر. آما جاوانلار دا بيلمه ليديرلر کي، همين او سانسورون لغو ائديلمه سينده ده منيم بؤيوک رولوم اولوب.
ساتقين اول، دؤنوک اول، ايشلرين راحات گئتسين
- ايندي آذربايجاندا وضعيت بيليرسينيز نئجه دير؟ مئهدييئو ساتقينلاري سئوير. ايسته ييرسن کي، ايشين قاباغا گئتسين، ساتقين اول، عقيده نه دؤنوک چيخ، هر شئي آرزولاديغين کيمي اولاجاق. چونکي مئهدييئو بئله لريني سئوير، وسسلام. سيز شاهيدسينيز کي، من بو جور سرت چيخيشلاري او کيشي نين (هئيدر الييئوي نظرده توتور) دؤورونده ده ائلميشم. باجارديغيمي دئميشم. مئهدييئو باشا دوشمور کي، هئچ بير حاکيميت اوزون زامان يالان و زورون قوينوندا سيغيناجاق تاپا بيلمه ييب.
دوز دانيشان آداملاري سئوميرلر!
- هئچ کيم گؤرمه ييب کي، من تلویزیونا چيخيم و کيميسه باياغي-باياغي تعريفلگيم. بلي، من ايلهام الييئوين گليشينه ياخشي باخميشام. دوشونموشم کي، بلي، جاوان اوغلاندير، گليب، ايندي ده يئني بير کوماندا ييغيب ايشله مه ليدير. مني ده بو اؤلکه ده هاميني ناراحات ائله ين پروبلئملر ناراحات ائله يير. بو سيستئم ايصلاح اولونماليدير، جيدي ايصلاحاتلار آپاريلماليدير.
من کوممونيستلرين دؤورونده ده، جبهه چيلرين دؤورونده ده، هئيدر الييئوين دؤورونده ده، ايندي ده دوز دانيشماقدان واز کئچمه ميشم. من نئيلگيم کي، دوز دانيشان آداملاري سئوميرلر؟ “آزادليق”
، بیر میللتین سسی
پایلاش | پرینت
بورا باغلي يازيلار:
- خوروز قويروغي می، یوخسا عباس-ا آند ایچمک می؟ مرتضی نگاهی نه دئيير؟
- سنين کيمي قارداش اولماز اولايدي !؟٫ (الهام عليئو) - ماحمود علي چؤهره قانلي
- ايلهام اليئو-ين آدي متبوعاتي ان چوخ تعقيب٫ اذيت ائديب و ژورناليستلري اؤلدورن ۱۰ ديکتاتورلا ياناشي چکيلدي
- علييئولر عاييله سي ده پارچالاندي
- توران خانيم جاويد - گؤنتاي گئنجآلپ
- چرا نبايد به سرويسهاي اينترنتي غير تورک اطمينان نمود؟ الفبا را چه کنيم؟
- ساختاکارليق باش توتمادي
- ناتو-دان آذربايجانا ديپلوماتيک هوجوم
- ائلچي بئیله اوز- اوزه - گؤنتاي گئنجآلپ (جاوانشير)
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
http://www.baybak.com
بای بک سایتیندان پرینت اولوب
http://www.11007.baybak.com/156.azr
یازینین اینترنت آدرسی
گوروش کاپانیبدی