گونئي آذربايجانليلاريني بيرلييه دعوت ائدن داها بير چاغيريش (سس)

بای بک، آذربایجان | چرشنبه, 20th خرداد , 2007 اینجی ایل, چولا 12:23 [pm] | بیلدیریش, تورکجه, خبرلر

ايران-ين آذربايجان فعاللاريني بيرلييه چاغيران «ميللي شورا» مووققتي نيظامنامه سيني بيرلشميش ميلتلر تشکيلاتي نين قانونلاري اساسيندا قوردوغونو بيلديرير و اساسنامه نين عومومي فورماسي ايله راضيلاشان فعاللاردان خواهيش ائدير کي، مووققتي تشکيلات کوميته سينه قوشولاراق فعاليتي گوجلنديرسينلر. شورا بو پروسئسين دئموکراتيک قاييدار اساسيندا آپاريلاجاغيني بيلديرير.

خاريجده کي آذربايجان فعاللاريني بير آرايا گتيرمک مقصديله بوندان اول آتيلان آدديملارين چوخونون سمره سيز قالديغيني نظره آلاراق، بو سون تدبيرين تشببوسکارلاري تکليف ائديرلر کي، ايختيلافلاري اورتادان قالديرماق اوچون ايلک اول همين فرقلي فيکيرلر موزاکيره يه چيخاريلسين.

۲۰۰۶-اينجي ايلين ژوئن آييندا آلمان-ين کؤلن شهرينده اساسي قويولموش «گونئي آذربايجان ميللي بيرليک شوراسي» (ميللي شورا) موختليف اؤلکه لرده ياشايان ايران آذربايجان-ليلاريني بير آرايا گتيرمک مقصديله يئني بيانات وئريب.

جولاي-ين ۱۸-اينده ياييلان بيانات٫ ايران آذربايجان-يندا گئدن حاديثه لر و منطقه نين مورککب شرايتيني نظره آلاراق خاريجده کي فعاللارين فيکير پايلاشماسي و واحيد بير تشکيلات آلتيندا بيرلشمه سي نين واجيبليگيني وورغولايير. بئله ليکله خاريجده کي بوتون فعاللار شورادا ايشتيراکا دعوت ائديليرلر و اونلارين عوضو قبول ائديلمه سي اوچون ده خوصوصي موراجيعت فورمالاري تقديم ائديلير.

بو باره ده بهروز حقي VOA-يا موساهيبه وئريب، قولاغ آسين:

فایلی داونلود ائتمک اؤچون: [1] بورا کلیک ائیلییون