یاشاسین آذربایجان - Long live Azerbaijan

.

موختليف اؤلکه لردن توپلاشاراق بو مقصده چاتماق اوغروندا مووققتي کوميته لر ياراداراق آپاريلان فعاليتلر هرکسه معلومدور. بو فعاليتلرين بير نتيجه سيده “ميللي شورا” اساسنامه و نيظامنامه لاييهه سي نين حاضيرلانيب تقديم ائديلمه سيدير. بو وسيه ايله “آذربايجان ميللي هرکاتيندا” چاليشان بوتون شخصييت و تشکيلاتلاردان بو قوروما نهاي فورما وئريب، اوندا بيرلشمک اوچون دعوت ائديريک. اساسنامه ني مطالعه ائده رک عومومي فورماسي ايله راضيلاشان دوستلاريميزدان خواهيش ائديريککي، عوضو اولماق اوچون مووققتي تشکيلات کوميته سي نين آدرئسلرينه موراجيعت ائتسينلر.

---

---

[1] In Englsih
[2] Azərbaycan Türkcəsi

عزيز سويداشلار!

گونئي آذربايجاندا، بؤلگه ده و دونياداکي مورککب سياسي شرايتده “آذربايجان ميللي هررکاتي نين” بيرلشيب گوج مرکزينه دؤنوشمه واجيبليگي کيمسه يه سير دئييل.

آذربايجان تورک ميلللتي نين تاريخ بويو چکديگي چيله لردن و اوغراديغي هاقسيزليقلاردان قورتولوشو اوچون يارانميش بوگونکو فورصتدن ايستيفاده ائدمه سه ک گله جک نسيللرين نيفريني آرخاميزجا اولاجاقدير.

اونا گؤره و بوگونکو دورومو جيدي تهليل نتيجه سينده ميللي حرکتيميزين دئموکراتيک بوتؤولشمه سي اوچون “گونئي آذربايجان ميللي بيرليک شوراسي” تکليف ائديلميشدير.

موختليف اؤلکه لردن توپلاشاراق بو مقصده چاتماق اوغروندا مووققتي کوميته لر ياراداراق آپاريلان فعاليتلر هرکسه معلومدور. بو فعاليتلرين بير نتيجه سيده “ميللي شورا” اساسنامه و نيظامنامه لاييهه سي نين حاضيرلانيب تقديم ائديلمه سيدير.

بو وسيه ايله “آذربايجان ميللي هرکاتيندا” چاليشان بوتون شخصييت و تشکيلاتلاردان بو قوروما نهاي فورما وئريب، اوندا بيرلشمک اوچون دعوت ائديريک. اساسنامه ني مطالعه ائده رک عومومي فورماسي ايله راضيلاشان دوستلاريميزدان خواهيش ائديريککي، عوضو اولماق اوچون مووققتي تشکيلات کوميته سي نين آدرئسلرينه موراجيعت ائتسينلر.

آ- ايميل آدرئسي : [3] uyelik@millish…
ب- تئلفون نومره سي : ۰۰۴۹۲۲۱۲۷۱۴۸۷۴
ج- فاکس نومره سي : ۰۰۴۹۲۲۱۶۹۸۷۹۸۳

عوضولوک کارتلاري نين حاضيرلانيب هوزورلاريزا تقديم ائديلمه سي اوچون باش وورانلارين کيمليگي باره ده لازيم اولان معلوماتلار بو چاغيريشلا بيرليکده تقديم ائديلميشدير.

ميللي شورانين اساسنامه و نيظامنامه سينده بوتون مسئله لرين گئنيش صورتده يازيلماسينا باخميياراق آشاغيداکي آچيقلامالارين فايدالي اولاجاغينا اينانيريق.

- آذربايجان ميللي هرکاتي نين بيرلشمه سي و مووجود دويونلرين آچيلماسي آنجاق دئموکراتيک قايدالار اساسيندا موموکوندور.

- بيرلشمک اوچون آيريليقلارين سببيني آخداريب اورتادان قالديرماغين واجيبليگي اينکار ائديلمزدير . بيزيم فيکريميزجه دوشمنين گؤرونموين اللري نين اويونلاري و پارچالا حاکيم اول سيياستي نين يانيندا آشاغيداکي آيريليق سبه لريده سيلينمه ليدير.

آ- ايدئولوژيک آيريليقلار:
بوتؤو آذربايجانچي، ايستيقلالچي، فئدئراليست، ميللي موختاريييتچي، ديل و مدنييت
حاقي تفککورونه يييلنميش اينسانلاريميزين وارليغي اينکار ائديلمزدير. بو آيريليق
سببيني اورتادان قالديرماق اوچون بيرلشميش ميلتلر تشکيلاتي نين قبول ائتديگي
“ميللي موقددراتي تعيين” بياننامه سي ان اويقون يول سئچيلميشدير.

ب- رهبرليک ايددئالاري :
بو آيريليق سببيني اورتادان قالديرماق اوچون “عومومي موديرييت سيستئمي
نظرده توتولموشدور. ميللي شورا، قورولتايدا سئچيلن 7 نفرليک” باشقانليق شوراسي
واسيطه سي ايله عومومي هيدايت اولور. آنجاق قورولتايدا سئچيلن بوتون اورگانلار و ميللي
شورايا قوشولان تشکيلاتلارين باشقانلارينيندا عوضو اولدوقلاري “مشورت
کوميسيونو” بو سيستئمده اؤز رولونو اوينايير.

- ياخيندا گئچيريله جک بيرينجي قورولتاي “تاسيس کونفرانسي” کيمي ديرلنديريلير. بو قورولتايدا آنجاق عوضولر و يا بو عوضولرين اولدوقلاري اؤلکه ده سئچديکلري نوماينده لره ماندات کارتلاري تقديم ائديلير و سس وئرمه حاقي تانينير.

- قورولتايين آچيليشيندان سونرا بوتون مووققتي اورگانلار ايستيفا ائدير و تام دئموکراتيک قايدالارا داياناراق تشکيلاتين فعاليتي عوضولرين تقديرينه بوراخيلير.

حؤرمتله : ميللي شورا
۱۵/۰۶/۲۰۰۷

اساسنامه ني بوردان آلين ([4] کليک ائدين)
اساسنامه ني بوردان آلين (لاتين) ([5] کليک ائدين)
اؤيه ليک کارتيني بوردان آلين ([6] کليک ائدين)
اؤيه ليک کارتيني بوردان آلين (لاتين) ([7] کليک ائدين)

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی