یاشاسین آذربایجان - Long live Azerbaijan

.

دئموکراسي بو دئمک دئييل کي ميليونلارجا وطنداش ميليونلارجا نظرين دئسين و هر سياسي پارتي او ميليونلار نظرين ايچيندن بيرين سئچسين. دئموکراسي بو دئمکدير کي، هر سياسي گروپ اؤز نظر و پلانيني دئسين و ميليونلارجا وطنداش او نئچه نظر و پلاندان بيرين سئچسين. دئموکراسي نين ايلک مرحله سي اودور کي، آيدينلار و گروپلار نظرلرين و پلانلارين ميلته چاتديرسينلار. بابک قالاسي گوسترگه سي بير گروپون آذربايجان اوچون پلانيني ميلته چاتديرما گوستیرگیسييدير و بو ايش پروفئسييونال شکيلده اولدو. اوندان سونراسي ميلته قاليب، ايسترلر سئورلر، ايسته مزلر سئومزلر. هر گروپ اؤز پلانینا ايناندیغی

---

---

باي بک-ه اؤزل: بو گونکو دورومدا کسينليکله دئمک اولار کي آذربايجان ميللي حرکتينده، کيمسه دئموکراسييه قارشی دييل. آما دئموکراسي نين تمللري اولمايان يئرده ايلري دئموکراتيک يا غئيري-دئموکراتيک بؤلوملئره بؤلمئک اولماز. بيلديگينيز کيمي دئموکراسي نين بير اساس پايه سي ميلت و اونلارین نظرلريدير.

ميللئتين نظريني سورماغا يول وارسا وا ميلت نظريني راحاتجا دييه بيليرسه اوندا دئموکراسي نين آساس پايه سي قورولموش سانيلير، بئليسه بيري ميلتين نظريني سورمادان يا ميلتين نظري نين عکسينه بير اي گؤرسه غئيريدئموکراتيک ساييلير. مثلا اَير ايران رئژيمي ايرانليلارين ياسال حاکيمي اولاراق ميلتين نئزئرين يوخ و اؤز نظرين سورسه، او بير دئموکراسييه قارشی هوکومتدير. و يا ميلتين نظرين سورمايا رئفراندوم قودرتي اولارکئن آيري قوندارما يوللارا ال آتسا او دئموکراسييه قارشی بير هوکومتدير.

آما دئموکراسي اولمايان بير يئرده، کيمسه نين ايشلرينه دئموکراتيک و يا غئيريدئموکراتيک دئمک اولماز. بير يئرده کي ميلتين نظرين اله گتيرمک ايمکاني يوخدور، چاليشان اؤنجوللري نجور غئيريدئموکراتيک سانيب و اونلارا ميللئتين نظرين سورمايان دئمئک اولار؟.

البته تاسوفله بعضيلري واردير اوزلريني دونيا نين سيقل مرکزي بيليرلر، و ايش گؤرنلردن اينتيظارلاري وار کي، هئر اييش گؤرمه دن اؤنجه اونلارين نظرلري سورولسون و اوجور اولمازسا او ايشي غئريدئموکراتيک آدلانديريرلار و ميلتي او ايشه قارشي چاغیريرلار. هر کيم اؤزونو ميللي فعال بيلير، دئموکراسي ايمکاني اولمايان يرده ميللي مسئله لري يالنيز آذربايجانين منافعيي چرچيوه سينده ديرلنديرمه ليديرلر و بو چرچيوه ده اَير او ايش-ده آذربايجانين مئنفتي گؤرورلر ايسه اونو قبول ائتمه ليديرلر، آما اگر اؤزلريني سادجه بير آددي وطنداش بيليرلرسه اونو قبول ائتمسه لرده قیناماق اولماز. بو آغير دورومدا يا آيدين دوشونجه لي اولوب هودودلاري دوشونوب و وظيفه بوينوموزا آلماليگيق يا آددي وطندا اولاراق يالنيز اوزوموزه فيکيرله بيلريک و بو سئچيمده کيمسه مجبور دييل

بوگونلر ائله بيل مد اولوب کي آذربايجان عادينا چاليان دوستلاريميز يا گروپلار چئيتلي بيانييه لر يا مقاله لر يازيب و اوزلريندن آيري هامميني غئيريدئموکراتيک آدلانديريب و اونلاري قیناييرلار. مثلا سون گونلرده سايين ائلخان تورکوغلو آدلي يولداشيميز بير مقاله ده (* “تفکرات قیم مابی و ارباب رعیتی”) بئله يازير :

“به اطلاع این افراد باید رساند که آذربایجان جنوبی ده نیست که “دهخدا” لازم داشته باشد یا اربابی را برای رعایای خود لازم داشته باشد. در آذربایجان جنوبی یک ملت وجود دارد می خواهد خود برای خود تصمیم بگیرد نه عده ای برای او تصمیم بگیرند حتی اگر از فرزندان این ملت باشند. فرزندان ملت می توانند پیشنهاد دهند ملت خود را آگاه و منسجم کنند نه بدون حضور ملت برای او در محفلهای چند نفر یا چند صد نفر تصمیم گرفته شود و بعد به اطلاع ملت رسانده شود که ما این را برای شما انتخاب کرده ایم باید بپذیرید. ما اینگونه صلاح می دانیم، ملت! شما دیگر چیزی نگویید این را قبول کنید ما بهتر از شما صلاح شما را فهمیدیم و به آن عمل کردیم. این گونه رفتارهای سیاسی دقیقا کلاس ملت آذربایجان را در حد رعایای ده پایین می آورد و کلاس مبارزان ملت آذربایجان را هم در حد ” دهخدا ” و نوچه های دهخدا پایین می آورد. هر فرد و گروهی که ادعا می کند برای ملت آذربایجان مبارزه می کند باید رفتارهای سیاسی خود را مطابق با خواسته ملت تنظیم کند مثل رفتار دیگر فعالین ملل آزاده با ملت خود، و کلاس آذربایجان جنوبی را در حد ده پایین نیاورند.”

بو يازيلارا اوزاخدان باخارکئن، آداما بئلئ گئلير کي ائلبيل بير فرانسه وطنداشي، اؤز سئچديگي جومهور باخاني، سارکوزي-دن اينتيقاد ائدير! سايین دوستلار الشتيريجي هيسسي بير هونري هيسس دييل کي رومانتيک اولسون.

ايري اوتوراق دوز دانيشاق! ميلتيميزين يوزده نئچه سي اؤز اينساني هاقلارين بيلير و هازيردير اونون اوچون چاليشسين؟
و بيلسه لرده٫ نه قده ر چاليشمالارينا و نظرلريني دئمه يه ايمکان وار؟
و فعاللار ميلتين نظرلرين بيلمک اوچون هانکي ايمکانلاري واردير؟

بيز فاکتلاري اولدوغو کيمي بيلمه لييک، رويالاريميز کيمي تسووور ائتممه لييک. آيدينجا بيليريخ کي قؤزئي آذربايجان ميلتي نين بير چوخو هله ميللي هووييته يئتيرمه ييب، ميلتين سئسين دونيايا چاتديرماغا هئله مئديياميز يوخدور. دونيا خبر آژانسلاري بو ميلتين چابالارين و ايستکلرين هله ائيتمير يا ائيتمک ايستمير، ميلتين نظرين بيلمه يه هله هئچ دئموکراتيک يول يوخدور، ميلتين ائن کيچيک گوسترگه سي، اونلارين مهبوسلانماسينا و يا ايشدن بوراخیلماسینا سبب اولور، فعاللارين ائن کيچيک توپلانتيلاري رئژيم طرفيندن کشف اولونوب و اونلاري آغیر جزالارلا قارشیلانديرير، … بو گؤنئي آذربايجانين دورومودور. بو دورومدا رومانتيسمه فورصت يوخدور. بئله سي بير دورومدا هودودلاری دوشونوب گونئي آزئربايجا نين گله جگي اوچون دوغرو يوللاري تاپیپ و اينام ايله او يوللارا آتديم آتماليگيق.

يوخاريدا دئدييم آدام، يازيسي نين بير آيري قیسمیندا بئله يازير :

“مثل گروهی که در سال ۱۳۸۲ در “قلعه بابک” در غلیان هیجانات ملی در یک جو هیجانی با بر افراشتن پارچه ای این پارچه را ” بایراق ” آذربایجان جنوبی نامیدند و بعد از این حادثه هم هرکسی که اعتراض کرد با آن چماق به پذیرائی پرداختند و گفتند که ما از ملت تاییدیه داریم. ببینید هزاران نفر در “قلعه بابک” پرچم ما را تایید کردند. این نوع تاییدیه گرفتن از ملت خاک پاشیدن بر چشمان ملت است. یعنی شعور ملت را هیچ انگاشتن و در غلیان یک جو هیجانی به دنبال کسب مشروعیت. این گونه اعمال اهمیت ندادن به حضور دموکراتیک و قانونمد ملت است. در کل، هیچ انگاشتن ملت است.”

من بير گوندور بونا فيکيرلشيرم، آخي بوندان باشقا نه ايش گؤرمک اولابيلردي. و بير گروپ بو گونکو آغير دورومدا اؤز پلانيني داها نجور ميلتين اويونا قويا بيلردي؟

بو اينسان نئجه ائلييبيلر بير آداملاري کي هئر تور چتينليگي جانينا عاليب داغ-داشي آشيب و اورايا گليب هيجانلانميش آدلانديريب و اونلارين دوشونجه لريني سورغو آلتينا آپارسين؟ آخي اورادا ايران بايراغيدا، قوزئي آذربايجان بايراغيدا دالقالانيردي. ندن او هيجانلانميش اينسانلار (سيزين دئديگينيزجه) اونلارا اوجور ماراق گؤسترمه ديلر؟ نئجه اولا بيلر کي بير دئموکراسي ايديعاسي ائدن اينسان بير گروپون اينانديغي بايراغي پارچا (پارچه ) آدلانديرسين؟

آما گلين بير باشقا يؤندان باخاق. ندن سيز اؤزونوز رئفراندوم قورمادان و ميلتين نظريني سورمادان ميلت عادينا سسله نيرسينيز کي بو ميلتين ايستگي دييل؟ ان آزی بئله دئمک اولار کي ايارئ ائتديگينيز آدام وئ گروپلار يئري گليرکن اؤزلريني ميلتين سئچيمينه قويوبلار و فورصت اولان زامان ميلتين اويون قازانيبلار(تبريز سئچيملريند). اونو قينييانلار نه ائديبلر؟ کيمسئني قيناماق ايستميرم چونکو او زاماندان بري کيمسه ميلتين نظرين بيلمک ايمکاني تاپماييب آما ان سونونجو دئموکراسييه بئنزر سئچکي او اولوب و اوندان سونرا ميلت و اؤنجوللره بئله سي بير ايمکان يارانماييب. ياخود بايراق مثله سينده بير قروپ اؤز فيکريجه گونئي آذربايجانا بايراغ سئچيب و اونون رئفئراندوما قويماق زوروندا قاليب آما هئچ دئموکراتيک ايمکان اولمادان مجبورن ميلته چاغريش وئريب وئ ميلتين بير قيسمي ان زور تهلوکه لر آلتیندا بو چاغريشا جواب وئريب و او بايراغی يئري گلديي زامانلاردا قالديريبلار. بير باقالاريدا بينمه ييب يا باسقي آلتيندا اولدوغو اوچون قالديرمايیبلار و يا قالديراماييبلار، و او گروپ آچيکجا دئييب کي هر زامان کي ميلت اؤز سرنوشتيني سئچمئک قودریتينه صاحيب اولدو بيز فيکيرلريميزي اونلارين رئفراندومونا قويماق ايستئييريق.

داها بوگونکو کيمي آغير دسوروملاردا بوندان آرتيق نجور دئموکراتيک اولونا بيلر؟ موغاليته ائتمک ايستميرم، آما بونو دئمک ايسته ييرم کي، بئله سي بير دئموکراسي اولمايان دورومدا، نه يوخاريدا قئيد ائتديگيم آداملارين ايلئرينه دئموکراتيک دئمک اولار و نه بويوردوقلاري گروپلارين! بئله ليکله اينديکي دورومدا هاميميز دئموکراسييه ايناناراق و اونون حاکيم اولماغينا چالياراق، التيريلريميزي اولمايان فاکتلار داياندیریب، گرچکدن اوزاخلاديرماماليگيخ. گئلين هله ليک کي دئموکراسي و ميلتين نظرين سورماق ايمکانيميز يوخدور، هر اييش يالنيز بئله ديرلنديرخ و الشتيرخ کي، فيکريميزجه او گؤرولن ايلر ميللي حرکتين اينديکي و گله جگينه فايداليدير يا يوخ؟ هئر ايشي، ميللي حرکته نه قدر فايدالي اولماغي ، اؤلچوسو ايله ديرلنديرخ، دئموکراسي ايمکانلاري اولمايان يئرده دئموکراتيک اؤلجولر، يالنيز موغاليته و ساختاکارليق اوچون يارار.

و سونوندا بئله دئمه لييم کي سيياست ميداني، زور بير مئيداندير. سيياستچيليک تيکانلي مفتيللر (سيم خاردار) آراسیندا يئريمکدير. سيياسئتچيليک اوزون گؤرولو اولماق و اوزاق گله جگي گورمکدير. وطنداشین حاقيني بير سياسي گوروپ اؤده مز و اؤده يه بيلمز. وطنداليق حاقيميزي هوکومتدن ايستمه ليگيک، و ميللي هوکومت قورولدوکدان سونرادا، بادا هر کيم و يا هر گروپ اولورسا وطنداشليک حاقيميزي اؤدمه ليدير.

دئموکراسي بو دئمک دئييل کي ميليونلارجا وطنداش ميليونلارجا نظرين دئسين و هر سياسي پارتي او ميليونلار نظرين ايچيندن بيرين سئچسين. دئموکراسي بو دئمکدير کي، هر سياسي گروپ اؤز نظر و پلانيني دئسين و ميليونلارجا وطنداش او نئچه نظر و پلاندان بيرين سئچسين. دئموکراسي نين ايلک مرحله سي اودور کي، آيدينلار و گروپلار نظرلرين و پلانلارين ميلته چاتديرسينلار.

بابک قالاسي گوسترگه سي بير گروپون آذربايجان اوچون پلانيني ميلته چاتديرما گوستیرگیسييدير و بو ايش پروفئسييونال شکيلده اولدو. اوندان سونراسي ميلته قاليب، ايسترلر سئورلر، ايسته مزلر سئومزلر. هر گروپ اؤز پلانینا ايناندیغی اوچون او پلانا پروپاگاندا ياپماغا دوغال حاقی وار. پلانسيز کيمسه لر و گروپلاردا، پلانلارینی هازلامالیدیرلار و اونلاردا بير سيياستچي اولاراق يارانميش فورصتلردن ايستيفاده ائديب، پلانلارینی ميلته آچیقلاماليديرلار و اؤز پلانلارینا پروپاگاندا ياپمالیدیرلار. يالنيز بو يول بيزيم ميلتي آيدينلاديب و دوغرو يولو سئچمکده ياردیم ائده بيلر. هر حالدا سونوج ميلتين اويو و ميلتين سئچديگيدير.

[1] www.11007.bayb…

، بیر میللتین سسی

_ _ _ _ _ _ _
مربوط اُلان یازیلار

• ===> تفکرات قیم مابی و ارباب رعیتی - ائلخان تورک اوغلو

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی