آذربايجان ميللي هرکاتيندا “بير آدديم ايره لي، ايکي آدديم گئري”! (دؤرد-اونجو بؤلوم: خطالي “گونئي آذربايجان تورک ميلتي” تئرميني قانونسال آچيدان!) - ائلدار قاراداغلي
بای بک، آذربایجان | دوزگؤن, ۶-ي آغلارگؤلر , ۱۱۰۰۷ اینجی ایل, چولا ۱۹:۰۵ [آ.خ] | تورکجه, مقاله
|
ب) چهرگانلي (چؤهره قانلی) بئيين اروپايا گلمه سينده بؤيوک پاييم اولوبدو. بوگون چهرگانلي (چؤهره قانلی) بئيين يانيندا اولانلارين هئچ بيريسي نين اونون ديشارييا گلمه سينده رولو اولماميشدير. سيزجه سبب ندير؟ ميلت-مي ده ييشديک، يوخسا در. (دکتر) بئي!؟
ترسينه، اورتايا قوناجاق هر هانسي اينامسيزليق، اينحيصارچيليق، اوستونچولوک، ده ييشيک باخيش آچيسي بؤيوک اولچوده اوچوروملارا ندن اولاجاق ايره ليگه آدديملاماقدانسا گئرييه دؤنوش عاميلينه چئوريله جکدير. بو اوزدن آ) يا ايران آدلانان دؤولتين بيزه عايد اولمايان هوقوق قانونلاري نين ايچينده قالماغي و ” ايرانلييديق، ايرانليييق و ايرانلي قالاجاييق ” دييه ايران خالقلاري موباريزه سيني سئچيب آ.م.ح (آذربایجان میللی حرکاتی)-دن تجريد اولماغي قبول ائتمه لييق. ب) و يا، |
۴-اونجو بؤلوم
خطالي “گونئي آذربايجان تورک ميلتي” تئرميني قانونسال آچيدان!
تبريزدن اولان بير دوست بئله يازير: ” ائلدار بي، سيز اؤزونوز باکيدا اولان زامان اؤندريميز ائلچي بئی-یين يانيندا اولموسونوز. سيز بونو دانا بيلمه سينيز کي، بي اؤزوندن سونرا چهرگانلي (چؤهره قانلی) بيي بوتؤو آذربايجانين ليدئري سانيردي. نه اولوب کي، اروپايا چکديگينيز چهرگانلي (چؤهره قانلی) بوگون گؤزونوزدن دوشوبدور. ائشيتديگيمه گؤره، گاموح-اون يارانماسيندا سيزين بؤيوک رولونوز اولوبدور. اولمايا ايسته ديیينيز پايي گاموح-دان آلاماديغينيز اوچون در. (دکتر)چهرگانلي (چؤهره قانلی)دان اينتيقام آلماق ايسته ييرسينيز!!! ”
يازي نين ايلگي چکمه سيله باغلي چوخ سئوينديیمي ديله گتيرمه لييم. عزيز سويداشلارين چئشيدلي يانيتلاري مني داها دا ايشلک اولماغا چاغيرير. يانيتلارين بير چوخو اوخوجولارين ممنون اولدوقلاريني يانيتلارکن، بعضي يازيلارين يالنيز سؤيوش اولماسي اوزوجولوک يارادير. بعضي يانيتلار قيناق ماهيتي داشيسا دا، اخلاق قايدالاريني قورويور. اونلارين بيري يوخاريدا سادالانميش سطيرلردير. بو سطيرلري يازان عزيز بير باجيدير. بئله يانيتلاردان ممنونلوق دويغولاريمي گيزله مک مومکون دئييلدير.
بو اوزدن باجيميزين تنقيدينه قيسسا يانيت وئرمه یي اؤزومه بورج سانيرام:
آ) ۱۹۹۷-۱۹۹۹-آ دک بئيين (ائلچی بئی) گونئيله باغلي ان ياخينلاريندان بيريسي اولموشام. بو مودت چهرگانلي (چؤهره قانلی) بئيين ليدئر اولماسييلا باغلي ايفاده ني بئيين (ائلچی بئی) آغيزيندان ائشيدمه ميشم. آنجاق، بئيين (ائلچی بئی) گونئيدن چيخاجاق بوتؤو آذربايجان ليدئرلري نين گونئيدن اولما آرزوسونو بول-بول ائشيدميشم. بئيين (ائلچی بئی) ان بؤيوک ايده آسي بوتؤولوک اولموشدور. بئي (ائلچی بئی)، چهرگانلي (چؤهره قانلی) بئيه بؤيوک اوميد بسله ميشدير. بلکه بئي (ائلچی بئی) ياشاسايدي، چهرگانلي (چؤهره قانلی) بئي معليمسيز قالماز ايدي. نه يازيق کي، بئي (ائلچی بئی) چوخ ارکن دونياسيني ده ييشدي. کاشکي، بير کره اولسون چهرگانلي (چؤهره قانلی) بئي، ائلچي بئيله گؤروشمک فورصتي بولسايدي. بونلارا باخماياراق ليدئرليک گئنيش اؤلچو (کاپاسيد) طلب ائدير. بوگون بللي اولدوغو کيمي سايين در چهرگانلي (چؤهره قانلی)، ائلچي بئیين قويدوغو بوتؤو آذربايجان تورک ميلتي شوعاعرينا قارشي، تام بؤلوجولويه قوللوق ائدن “گونئي آذربايجان تورک ميلتي” ايفاده سيني قوللانماقدادير.
ب) چهرگانلي (چؤهره قانلی) بئيين اروپايا گلمه سينده بؤيوک پاييم اولوبدو. بوگون چهرگانلي (چؤهره قانلی) بئيين يانيندا اولانلارين هئچ بيريسي نين اونون ديشارييا گلمه سينده رولو اولماميشدير. سيزجه سبب ندير؟ ميلت-مي ده ييشديک، يوخسا در. (دکتر) بئي!؟
ج) گاموح-اون ايچ قولونون دئييل، ديش قولونون يارانماسيندا بؤيوک رولوم اولموشدور. منيم تانيديغيم گاموح شرطسيز-قئيدسيز ايستيقلالچي، بوتؤوچو و اولکوجو ايدي. منيم فدرالچي گاموح-دا نه ايشيم اولا بيلر کي!؟
د) گاموح-دا اولدوغوم گونلر، قورولوشون بوتون سياسي يؤنونو ايداره ائديرديم. بيلديريشلر دورماقدادير. من اولان گاموح-اون بوتون بيلديريشلري ايستيقلالدان و بوتؤولوکدن يانا ايدي. منيم بوندان آرتيق ايسته یيم نه اولا بيلردي کي!؟ در. (دکتر) بيله سون ۴ ساعاتليق گؤروشوموزوز ماهيتي بوندان عيبارت ايدي: در. (دکتر) چهرگانلي (چؤهره قانلی) بئي مندن فدراليزمه مئيدان وئرمه یي ايسته ييردي، من ايسه قالماق شرطيمي در. (دکتر) بئيين ديليندن و ديله یيندن ايستيقلال باغيرتيسينا باغلاميشديم. منيمله بيرليکده ۱۰-لار ايستيقلالچي نين گاموح-دان چيخما ندني بئله اولموشدور.
۴-اونجو بؤلوم:
دونيادا آز گؤرونن بير گرچک ده بو کي، بعضي مغلوب ائتنيکلر هئگومونلوغونا دوشن قاليب ائتنيک-دؤولتلرين قات-قات اوستونده دايانيرلار. سؤزسوز کي، او ائتنيکلرين بيري و ان باشدا گئدني ايسه ۵۰ ميليونلوق آذربايجان تورک ميلتي نين ۳۵ ميليونلوق گونئي بؤلمه سيدير. آذربايجانين گونئيي بوتونلوکله ايران آدلانان فارس دؤولتچيليک قانونلارينا تابع کسيلميشدير. بو دورومون سونا چاتماسي اوچون سينير ايچي و سينير ديشي چابالارين گوندن-گونه آرتماسينا تانيق (شاهيد) اولماقداييق. گونئي آذربايجانين ميللي-قورتولوشو هر گون گئچديکنجه، داها دا دونيا گوندمينه گلير. آ.م.ح (آذربایجان میللی حرکاتی) (AMH)- نين (آذربایجان میللی حرکات) درينلشمه سي ايله اؤلکه نين آزالديق يوللاري دا چئشيدلي گئنيشلييه وارماقدادير.
گونئيين ميللي قورتولوشو ايله باغلي چئشيدلي قورولوشلار يارانير، يئني-يئني ايده آلار ايره لي سورولور. وار اولان قورولوشلار چالخالانير، استراتئژيک و تاکتيک فرقليکلري قابارير. هر قورولوش اؤز قوروپ ايچي قوراللاريني آ.م.ح (آذربایجان میللی حرکاتی)-ه آشيلاماق ديله ییله، ائتگين اولماق ايسته يير. بونلار اولدوقجا دوغال قارشيلانماليدير. بو بير هاقدير. بو حاقي هئچ قورولوشدان اوزاقلاشديرماق اولماز! هر قورولوش اؤزونو آ.م.ح (آذربایجان میللی حرکاتی)- نين ايچينده گؤرمک اوچون اونون اوزرينده ائتگين اولماسيني دا ساغلير. بو اوزدن ايسه آ.م.ح (آذربایجان میللی حرکاتی) قوروملار ايچينده چالخيشمايا ندن اولان ديديشمه لردن اؤز پاييني آلير.
بئله کي، آ.م.ح (آذربایجان میللی حرکاتی)- نين آخلاقسال قانونو زامان-زامان اؤز دوغرولتوسوندا يورويور. بورادا بئله بير سورو اولا بيلر کي، ندن آ.م.ح (آذربایجان میللی حرکاتی)- نين قانونلاري هوقوقسال دئييل، اخلاقسال اولماليدير!؟ چونکي، آ.م.ح (آذربایجان میللی حرکاتی)- نين حاضيرکي دورومو قانونسال گوج تطبيقينه دايانمايير. آ.م.ح (آذربایجان میللی حرکاتی)- نين الده ائده جک قانون چرچيوه سي کؤنوللو و ميللي ويجدانا دايالي ساغلامليق اؤلچوسودور. باشقا تورلو ده اولا بيلمز. بو اوزدن آ.م.ح (آذربایجان میللی حرکاتی) طرفيندن اورتايا قويولاجاق هر هانسي قانون تمه لي، هوقوقسال دئييل، اولکوسل اخلاق ساييلير.
آ.م.ح (آذربایجان میللی حرکاتی)-ده قانون گوجونون نه زامان اويقولانماسي، اونون توپارلانما گوجونه باغليدير. آ.م.ح (آذربایجان میللی حرکاتی) هر آشامادا بير اؤزلليگي ياخالاماقلا، گوج اويقولاماسيني داها دا آرتيرير. بلکه، بو چوخ دا گؤزه گلمه سين. آنجاق، کسينليکله بئله دير. آ.م.ح (آذربایجان میللی حرکاتی)- نين گوج تطبيقي زاماني ايسه بو کسينليگين هيزينا باغليدير. باشقا سؤزله، گونئي دؤولتچيليگي نين گرچک سوره جه گيرمه سيله آ.م.ح (آذربایجان میللی حرکاتی)- نين ده گوج اويقولاماسي قانونسالليغيني ساغلاياجاقدير.
بو آشامانين کسين اولماسينا باخماياراق، نه زامان اولاجاغينا اينديدن يانيت وئرمک اولماز. آنجاق اونون يئتيشمه سينده اولوسال قورولوشلارين اولدوقجا اؤنملي اولماسيني اونوتماماليييق. ائله بونا گؤره، بو اولوسال پرويئکتده اورتاقليق ائدن ميللي قورولوشلارين باشليجا وظيفه سي بللي بيچيم ايچينده اؤزلريني تانيتديرماقدير. هرگاه بو گنل تانيتيم دوغما و سورومسوز اورتامدا اولارسا، آ.م.ح (آذربایجان میللی حرکاتی)- نين تئز بير زاماندا گوج مرکزينه دؤنمه سي ساغلاما آلينابيلر. سؤزسوز کي، بو اورتاقليقدا تولئرانتليق (صبور)، خوشگؤرولوک، قارشيليقلي سايقي، دؤزوملولوک و ان باشدا واحيد هدف حاکيم اولارسا، گئديشين کسينلشمسي قارانتييا آليناجاقدير.
ترسينه، اورتايا قوناجاق هر هانسي اينامسيزليق، اينحيصارچيليق، اوستونچولوک، ده ييشيک باخيش آچيسي بؤيوک اولچوده اوچوروملارا ندن اولاجاق ايره ليگه آدديملاماقدانسا گئرييه دؤنوش عاميلينه چئوريله جکدير. بو اوزدن آ.م.ح (آذربایجان میللی حرکاتی)- ايله باغلي اولان بوتون قوروپلار کؤنوللو اولاراق آشيري قوروپچولوقدان اوزاقلاشمالي، ميليونلوق هرکاتين ايچينده يوغرانماليديرلار. آ.م.ح (آذربایجان میللی حرکاتی)- نين ايستيقلالچي و بوتؤوچو آخاريني چئشيدلي انگللر قارشيسيندا قويماق، گئجه قوندو تئرمينلرله کوتله ني بليرسيز دوروما سوروکلنديرمک، بوگون بير اخلاقسال خطا ساييلسا، ياري نين گوجلو و تابانلي بير آشامادا اولوسا قارشي باغيشلانماز سوچ ايشي کيمي ديرلنديريله جکدير.
نه يازيق کي، بو قونودا دا اؤرنه یيم يئنه گاموح اولاجاقدير. بو قورولوش، گونئي بويدا ميللي-آزادليق مئيدانينا کؤلگه سالماق آرزوسويلا، اصلینده بير نئچه کيشي نين ائهتيراسلي نيتيني، قوروپ آدي آلتيندا غئيري رسمي قانون آشاماسينا قالديرماق آماجينداديرلار. اونلار، حاکيمي اولمايان بير ميلته دؤولتچيليک فيقورو توتورلار. دؤولت کيمي ميلت آديندان دانيشير، ميلت آديندان ايمضا آتير، ميلته سيمگه يارادير، ميلته آد قويور، ميلته موقددرات تعيين ائديرلر. سون یو.ان.پی.او گؤروشونده سايين در. (دکتر) چهرگانلي (چؤهره قانلی) نين گونئي آديندان آتديغي ايمضا، سرگيله ديگي بايراق، وئرديگي اؤلچوسوز بيلگيلر آپ-آيدين بير اؤزباشيناليق اؤرنه یيدير. باشقا ياندان ايسه، اورادا وئريلن بيلگيلر گله جکده آ.م.ح (آذربایجان میللی حرکاتی)-اي اولومسوز بير قانون چالاریندا محصور ائده بيلر. یو.ان.پی.او -دا وئريلن دويغوسال بيلگيلرين گله جکده آ.م.ح (آذربایجان میللی حرکاتی) علئيه اينه ايشله نيلمه احتيمالي گاموح طرفيندن آتيلان قانونسوز آدديملاردان بيريسيدير. بو اوزدن يئني بيلگيلنديرمه چابالاري نين گرکلي اولماسي قاچيريلماز گؤرونور.
بؤلوم سونوجو:
اؤنجه ده قئيده آلينديغي کيمي بو يازي نين آماجي آ.م.ح (آذربایجان میللی حرکاتی)-ده اولان آيدين و گيزلي خطالاري اؤنه چکمکدير. حدف آ.م.ح (آذربایجان میللی حرکاتی)-اي قارشيدان گلن بلالاردان قوروماقدير. بو يولدا کيمسه نين گؤز ياشيندان ائتگيلنه جک حاقيميز يوخدور. خطالار اؤزباشينا يارانمير. خطا يارادانلار صميميديرلرسه خطالاريني قبول ائتمه ليديرلر. صميمي ده ييللرسه آ.م.ح (آذربایجان میللی حرکاتی)-نين اؤنجه نصیحتي، سونرا ايسه اؤفکه سينه توش گله جکلريندن امين اولماليديرلار. گونئيين سون قالخيشماسي آ.م.ح (آذربایجان میللی حرکاتی)-نين تام بير قورتولوشچو و ايستيقلالچي هرکات اولماسيني قانيتلادي. بو دورومون درينلشمه سي ايله اؤزونو آ.م.ح (آذربایجان میللی حرکاتی) ايچينده گؤرن قورولوشلار اوچون ايکي يول سئچنگي گؤرونور:
آ) يا ايران آدلانان دؤولتين بيزه عايد اولمايان هوقوق قانونلاري نين ايچينده قالماغي و ” ايرانلييديق، ايرانليييق و ايرانلي قالاجاييق ” دييه ايران خالقلاري موباريزه سيني سئچيب آ.م.ح (آذربایجان میللی حرکاتی)-دن تجريد اولماغي قبول ائتمه لييق.
ب) و يا، ” ايران آدلانان بير قوندارماليغي تانيميريق، ان بؤيوک قايه ميز شرطسيز و قئيدسيز گونئي آذربايجان تورک جومهوريتيدير ” . دييه ميلت جرگه سينده ائتگينلشمه ليگيک.
بورادا اخلاقسال قانون اورتايا گلير. دئديک کي، رسمي قانون دؤولتلره عايددير. غیري رسمي قانونلارلار ايسه غیري دؤولت اورقانلارلا ايداره اولونور. مافييا، تؤره، عشيرت، دين قانونلاري کيمي بير چوخ اخلاقسال قانونلار گنلليکده دؤولت قانونونو ردد ائدن قانونسوزلوقدور. آ.م.ح (آذربایجان میللی حرکاتی)، بير قورتولوش هرکاتينا چئوريلمک اوچون اؤزونون اخالاقسال قانونونو ياراتمالي و اونون تمل اؤزولونو اورتايا قويماليدير.
آ.م.ح (آذربایجان میللی حرکاتی) يالنيز بو يوللا گونئي آذربايجان ميللي هرکاتيني ايدئولوژيک چالارلاردان قورتارا بيله جکدير. بورادا بئله سورغو اورتايا گله بيلر کي، آ.م.ح (آذربایجان میللی حرکاتی)-ني آدي سادالانان ياساق قانونلار اوزرينده قورونان چته لرله قارشيلاماق اولارمي؟ يانيت کسينليکله يوخ دئمکدير. بورادا هئچ بير قارشيلاشديرمادان سؤز گئده بيلمز. آ.م.ح (آذربایجان میللی حرکاتی) يالنيز اؤز اينانج و اولکولري اوزرينده دايانان ميللي قورتولوش هرکاتيدير. بو هرکات اؤز تمه لي اوزرينده دايانماق اوچون ايران قانونلاري چمبريندن آزاد اولمالي و اؤزل قانونلاريني قورماليدير.
بو سئچنک گرک آرزو اولونان ان دئموکراتيک شرطلر ايچينده، گره کيرسه ان ياراماز دوروملاردا دييشمزليگيني قوروماليدير. چوخ سئوينديريجي حالدير کي، آ.م.ح (آذربایجان میللی حرکاتی) سون ايللرده بئله بير آشامايا آياق قويوبدور. بابک قورولتايلاريندا، آنما تؤرنلرينده، خورداد (مي) قالخيشيندا، کوچه و فوتبال گؤستريلرينده وب.لاردا پانفاشيست دوشمنه قارشي ايچدن گلن ان ميلتچي و اولکوسل شوعاعرلارين سسله نيلمسيله ياناشي رئژيمين ديوان توتماسي آ.م.ح (آذربایجان میللی حرکاتی)-نين ايرانچيليقدان تام آزاد اولماسي سوره جينين يئتيشمه سي نين آپ-آيدين گؤرونتوسودور. سؤزسوز کي، آ.م.ح (آذربایجان میللی حرکاتی)- نين اخلاقسال قانونا ييه لنمه سي قيسسا زامان ايچينده اولماياجاقدير.
حتّی بو يولدا آغير هزينه لرين وئريلمه سي ده گؤز اؤنونه آلينماليدير. آ.م.ح (آذربایجان میللی حرکاتی) بو يولدا عاصي و سرکئش قورولوشلارلا اوز به گؤز اولماغي دا اونوتماماليدير. گاموح رهبرليگي طرفيندن اورتايا فيرلاميش تپه دن ديرناغا ميلتالتي “گونئي آذربايجان تورک ميلتي” - نين بؤلوجولوک بير جهد اولماسي، نه قدر بيزيم اوچون آجيديرسا، پانفارسيزمه گؤره دادلي گؤرونه جکدير. پان فارسيزم گونئيي قوزئيدن و تورکيييه دن اوزاقلاشديرماق اوچون آ.م.ح (آذربایجان میللی حرکاتی) ايچينده ايدئولوژيک چالارلار ياراداجاقدير. گاموح رهبرليگي طرفيندن منحريف تئرمينلرين اورتايا قويولماسي پانفارسيست تئوريچيلرينين آرزو ائتديکلري ان وئريملي دونيا گؤروشودور.
فارس شووينيزمينه گؤره، تکي گونئيين يؤنونو تئهرانا چئويرمک گره کي ر، قالاني قولايدي. حتّی گره کيرسه گونئيي تکله مک اوچون گاموح-اون فلاکت ياغديران اؤزباشينا شوعاعرلاري دا، رئژيم طرفيندن تکرارالانا بيلر! هر نه اولارسا گاموح-اون گونئيي ايران ايچينده قاپاتماق سيياستيله، پانفاشيست رئژيمين سيياستي اوست-اوسته گلمکده دير. سايين در. (دکتر) چهرگانلي (چؤهره قانلی) بئله سيياستين سونونو دوشونورمو هئچ!؟ ايسلام اينقيلابيندان بير ايل سونرا بير ژورناليست خميني-دن سوروشدو کي: ” ايمامين مونافيقلره (موجاهيدلر) گؤره نظري ندير ” خميني بئله يانيتلادي: ” نه دئييرلر دئسينلر، تکي ۱۷ رکعت نامازلاريندان ال چکمه سينلر ” !!!
۵-اينجي بؤلوم ميلت آنلاييشيندا خطالي باخيش!
، بیر میللتین سسی
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/125.azr
یازینین اینترنت آدرسی
یازیده ایشه آلینان اینترنت آدرسلری
[1] آذربايجان ميللي هرکاتيندا “بير آدديم ايره لي، ايکي آدديم گئري”! (اؤچ-اونجو بؤلوم: خطالي “گونئي آذربايجان تورک ميلتي” تئرميني٫ اخلاقسل آچيدان!) - ائلدار قاراداغلي: http://www.baybak.com/Baybak/?p=5232
[2] آذربايجان ميللي هرکاتيندا “بير آدديم ايره لي، ايکي آدديم گئري”! (ايکينجي بؤلوم: ” آذربايجان تورک ميلتي ” آنلاييشينا قارشي يالنيش تئرمينلر!) - ائلدار قاراداغلي: http://www.baybak.com/Baybak/?p=5047
[3] آذربايجان ميللي هرکاتيندا “بير آدديم ايره لي، ايکي آدديم گئري”! (بيراينجي بؤلوم: اؤن سؤز يئرينه) - ائلدار قاراداغلي: http://www.baybak.com/Baybak/?p=4984
گوروش کاپانیبدی