ب.م.ت و هلند سره بره نيتسا-دا باش وئرن مسلمانلارين سويقيريمي اؤچون گوناهکارديلار

بای بک، آذربایجان | آراگؤن, ۱۵-ي قئزاران , ۱۱۰۰۷ اینجی ایل, چولا ۲۲:۴۵ | تورکجه, خارجی

ب.م.ت نين قرارينا گوره او زامان مسلمانلارين قالديغی قاچقين دوشرگه سينی قورماق و تهلوکه سيزلييی تامين ائتمک وظيفه سينی هلند قوه لری حياتا کئچيريردی. صرب لرين هجومونون قارشيسينی آلماق اوچون هاوا دسته يی طلب لری هلند حربی قوه لری طرفيندن رد ائديلديکدن سونرا هلند قوه لری ۴۵۰ صرب سربازی نين قاچقين دوشرگه سينه گيرمه سينه اجازه وئريب . بوندان سونرا ايسه قاچقين لارين کوتلوی قتل لرينين قارشيسينين آلينماسی مومکون اولماييب. شکايت چيلرين

سره بره نيتسا قوربانلاری نين ياخين لاری ب م ت و هلند دولتينی محکمه يه وئريبلر.

۱۹۹۵-اينجی ايلده سره بره نيستا سوي قيريميندان قورتولان لار بيرلشميش ملت لر تشکيلاتی و هلند حکومتينی اتهام ائده رک محکمه يه وئريبلر. اونلار بيرلشميش ملت لر تشکيلاتی نين (ب.م.ت) قاچقين دوشرگه سينده قالان غير نظامی مسلمانلارين سوی قيريمينين قارشيسينين آلينماسی اوچون ب م ت و هلند حکومت لرينين لازيمی تدبيرلر گورمکده بويوک نقصانلارا يول وئرمکده اتهام ائديبلر. سره بره نيتسا آنالاری آدلی گروهون وکيل لری بونونلا باغلی لاهه بين الخالق محکمه سينه مراجعت ائديبلر.

اتهامنامه يه گوره هلند حکومتی سوی قيريمی نين قارشی سينی آلماق اوچون هاوادان مدافعه ايشينده بويوک قصورلارا يول وئريب. يادا سالاق کی، بو اروپادا ايکينجی دنيا محاربه سيندن سونرا باش وئرميش ان آغير و ان دهشتلی سوی قيريمی دير. صرب قوه لری سره بره نيتسادا ۸ مين نفر غيرنظامی کيشی و اوغلان اوشاغينی قتل ائديبلر.

، بیر میللتین سسی
پایلاش | پرینت

بعضی عکسلر خبره باغلی اولمایا بیلیر. لطفا دیقتتلی اولون

بورا باغلي يازيلار:

تاپيلمادي

گوروش کاپانیبدی

http://www.baybak.com بای بک سایتیندان پرینت اولوب
http://www.11007.baybak.com/1191.azr یازینین اینترنت آدرسی

azeribaybak[at]gmail.com

یاشاسین آذربایجان - Long live Azerbaijan