یاشاسین آذربایجان - Long live Azerbaijan

حاضيردا بو شهر موختار کوردستان بؤلگه سيندن کناردا يئرلشير. آما کوردلر بو نئفتله زنگين ايالتين موختار بؤلگه يه بيرلشديريلمه سيني، هابئله اؤزلري نين پايتاختي ائتمک ايسته ييرلر. هر ايکي مسئله ده تورکييه آمريکادان دستک ايسته يير. لاکين آمريکا دا عراقين يئگانه نيسبتن سابيت اراضيسينده تارازليغي پوزماغا هوس گؤسترمير. تورکييه نين جنوب-شرقينده کي کوردلر آزادليق ايستمه ديکلريني دئييرلر. اونلار يالنيز تام دئموکراتيک هوقوقلار و آزادليقلار ايسته ديکلريني سؤيله ييرلر.

---

---

حاضيردا بو شهر موختار کوردستان بؤلگه سيندن کناردا يئرلشير. آما کوردلر بو نئفتله زنگين ايالتين موختار بؤلگه يه بيرلشديريلمه سيني، هابئله اؤزلري نين پايتاختي ائتمک ايسته ييرلر.

تورکمنلرين خريته سي (عراق)٫ گئچميشده داها بويوک ايدي

واختيله صدام حسین کوردلر، تورکمانلار، خريستيانلار و ديگر ائتنيک قروپلارين بيرگه ياشاديغي بو اراضيني عربلشديرمه يه نايل اولموشدور. او زامان مينلرله کورد شهردن ديدرگين سالينميش و ايندي اونلارين قاييتماسي کونستيتوسييادا دا (آنا ياسا) تثبيت اولونوب. يئني ايراق کونستيتوسيياسينا اساسن، بو ايلين سونونا قدر مسئله يه داير کرکوکده رفراندوم کئچيريلمه ليدير. رفراندومون واختي ياخينلاشديقجا، گرگينليک ده آرتير.

کرکوکده گؤزله نيلن رفراندومدان احتياط ائدن اؤلکه لردن بيري ده تورکييه دير. آنکارا قورخور کي، نتيجه ده کورديستان هؤکومتي عراقدان تام موستقيللييه دوغرو آدديملار آتماغا باشلاياجاق. بو ايسه تورکييه نين اؤز کورد اهاليسينده سئپاراتيزم (آيريليق) مئيللريني گوجلنديره جک. ۱۵ ايل عرضينده کورد سيلاهليلاري ايله آغير موحاريبه آپاران تورک حربيييه سي حساب ائدير کي، بير نئچه مين پ.ک.ک عوصيانچيسي هله ده عراقين شيمالينداکي داغلاردا گيزله نير و کورد موختارياتيندان دستک آلير.

تورکييه هؤکومتي آرتيق بيان ائديب کي، آنکارا اوچون ايراق آوروپا ايتتيفاقينا قوشولماقدان دا پريوريتئت مسئله دير. بو، ان آزي قيسمن تورکييه داخيلينده کي ميلتچي هيسسلرين آرتماسي ايله علاقه دار ائلئکتوراتي اله آلماق جهدي ساييلا بيلر. لاکين بو، همچي نين رسمي آنکارانين سرحدين عراق طرفينده باش وئرنلردن نه درجه ده ناراحات اولدوغوندان خبر وئرير.

تورکييه کرکوکون گله جگينه داير رئفئرئندومون تاخيره سالينماسي اوچون گوجلو لوببيچيليک فعاليتي حياتا کئچيرير. رسمن آنکارا اوراداکي تورکمان آزليغي نين طالعييندن ناراحات اولدوغونو دئيير. آما چوخلاري حساب ائدير کي، تورکييه نين اساس قورخوسو اودور کي، کرکوکون داخيل اولدوغو کورد دؤولتي تورکييه ده ياشايان ۱۴ ميليونا ياخين کورد اهاليسيني موستقيلليک اوغروندا موباريزه يه قالديرا بيلر.

بوندان باشقا، پ.ک.ک سئپاراتچي تشکيلاتي نين پروبلئمي هله ده آرادان قالديريلماييب. کورد سئپاراتچيلاري اؤتن ايل يئني آتشکس ائلان ائديبلر. کورد سيياستچيلري سيلاهليلار اوچون آمنيستييا ايسته ييرلر. آما تورکييه ايجتيماعي راييندن دستک آلان قودرتلي تورک حربيييه سي عراقين شيمالينداکي پ.ک.ک بازالارينا قارشي عملياتلارين طرفداريدير.

هر ايکي مسئله ده تورکييه آمريکادان دستک ايسته يير. لاکين آمريکا دا عراقين يئگانه نيسبتن سابيت اراضيسينده تارازليغي پوزماغا هوس گؤسترمير. تورکييه نين جنوب-شرقينده کي کوردلر آزادليق ايستمه ديکلريني دئييرلر. اونلار يالنيز تام دئموکراتيک هوقوقلار و آزادليقلار ايسته ديکلريني سؤيله ييرلر.

سون ايللرده اؤلکه ده اينسان هاقلاري نين وضعيتي اهميتلي درجه ده ياخشيلاشسا دا، کوردلر هله ده اؤزلريني ايکينجي درجه لي وطنداش کيمي هيسس ائتديکلريندن شيکايتله نيرلر.بي.بي.سي

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی