یاشاسین آذربایجان - Long live Azerbaijan

.

بؤيوک بريتانيا-داکي آذربايجان-ليلار دا گونئي آذربايجان-دا گئدن گئنيش مي ۲۰۰۶ کوتله اعتيراضلاري نين ايلدؤنومو ايله همرايليکلريني نوماييش ائتديلر. ايشتيراکچيلار بو اؤلکه ده کي آذربايجان و تورک ايجماعسيندان ايدي و بازار گونو مي آيي نين ۲۷-سینده بی.بی.سی دونيا خبر آژانسینین نين قارشيسيندا قرار اوزره ساعات ۱۵:۰۰-دن ۱۷:۰۰-دک حاضيرلاشديلار.

(يازي اؤزل اولاراق باي بک اؤچون لاتيندن کؤچورولوب) بؤيوک بريتانيا-داکي آذربايجان-ليلار دا گونئي آذربايجان-دا گئدن گئنيش مي ۲۰۰۶ کوتله اعتيراضلاري نين ايلدؤنومو ايله همرايليکلريني نوماييش ائتديلر. ايشتيراکچيلار بو اؤلکه ده کي آذربايجان و تورک ايجماعسيندان ايدي و بازار گونو مي آيي نين ۲۷-سینده بی.بی.سی دونيا خبر آژانسینین نين قارشيسيندا قرار اوزره ساعات ۱۵:۰۰-دن ۱۷:۰۰-دک حاضيرلاشديلار.

بو اعتيراض نوماييشي نين باشليجا هدفي گونئي آذربايجان ميلتي ايله همرايليک ائتمک ايدي. نوماييش ترتيباتيني وئرنلر قئيد ائدير کي، بی.بی.سی قاباغيندا بو پيکئت آپارما تشببوسو باشقا بير هدفه ده نايل اولماق ايسته نيليردي. آخي ايران يئتگيليلري نين گونئي آذربايجان ميللي حرکتي حاقيندا بيلگي-قيتليغي (بایکوت) ياراتمالاري نتيجه سينده بی.بی.سی کيمي مهم خبر واسيطه سي ده آخسايير و بو خبر قيتليغينا معروض قاليرلار. ايشتيراکچيلارين فيکرينجه، بو خبر آگئنتليگينه نوفوز ائدن فارسچي فارسلار دا بو شرايتدن ايستيفاده ائديبلر و گونئي آذربايجانا قارشي خبر قيتليغينا مئيدان آچيرلار. بو حاضيرکي نوماييشلرين ايکينجي باشليجا حدفي ائله محض بو ايدي کي، بی.بی.سی-ده گئدن چاتيشمازليغي اورانين موديريتي نين ديقتينه چاتديرسينلار.

هاوانين ياغينتيلي اولماسينا باخماياراق، ايشتيراکچيلار سايجا هئچ ده آز دئييلديلر. ساي و تشککول باخيميندان موکممل بو نوماييش شوعاعر باخيميندان دا حاضيرليقلي ايدي. قاباقکي گون شوعاعرلار و پلاکادلار ايشتيراکچيلار آراسيندا ايناملاري نين گوجلولوگونو تمسيل ائديردي.

آپاريلان ايشلردن بيريسي ده بو ايدي کي، بی.بی.سی آژانسینا بير مکتوب حاضيرلانميشدي و بئش بؤلمه سينه ال ايله تهويل وئريلدي کي، بونلارا شاميل ايدي: بی.بی.سی آذربايجان-جا ياييم شؤعبه سي، بی.بی.سی دونيا خبر شؤعبه سي، فارسجا خبر شؤعبه سي … شوعاعرلاردان بير نئچه اؤرنک:

نوماييش، بيرلشميش کرالليق-گونئي آذربايجان-ليلار تشکيلاتي طرفيندن ترتيب وئريلسه ده، بو بير آذربايجان-ليلار تشببوسو ايدي و باشقا آذربايجان قوروملاري او جومله دن گونئي آذربايجان سولچو فعاللاري؛ گونئي آذربايجان ايستيقلال پاتيياسي نين فعاللاري و بير نئچه سايير آذربايجان تشکيلاتلاري دا ممنونيت ايله قاتيلميشديرلار.

ايشتيراکچيلار بونو قئيد ائتمک ايسته ييرديرلر کي، ايندي گونئي آذربايجان ميللي حرکتي ماهيتجه اينسان هاقلارينا ايستيناد ائدن بير حرکتدير و مي ۲۰۰۶-دان اعتيبارن بوتون تشببوسلر کوتلوي اؤلچوده گئدير. اونلارين فيکرينجه، بو باخيمدان گونئي آذربايجان ميللي حرکتي ان ساغلام و کوتلوي بير حرکتدير. اونون خاريجي اؤلکه لرده کي قولو دا ياواش-ياواش تشکيلاتلانيب و ياخين گله جکده بؤيوک گوجه صاحيب اولاجاقدير. اونلار خاطيرلاديرلار کي، بير ايلدير کي، ايچريده هر اعتيراض دالغالاري ميللي اؤلچوده گئتمکله اونون رئاکسيياسي خاريجده کي آذربايجان-ليلاري دا بير قوووه يه چئويرمکده دير. بو نوماييشين ترتيباتچيلاري نين قناعتلرينه گؤره گونئي آذربايجان مسئله سي داها ايران-ين داخيلي مسئله سي دئييلدير و بو مسئله نين بين الخالق چرچيوه ده اورتايا قويولما ضرورتي، خاريجده ياشييان آذربايجان-ليلارا ان موهوم و بؤيوک بير وظيفه دير.

بيرلشميش کيرالليق-گونئي آذربايجان-ليلار تشکيلاتي (گ.ا.ت-ب.ک)
(يازي اؤزل اولاراق باي بک اؤچون لاتيندن کؤچورولوب)

گوروش کاپانیبدی