۲۸-مي٫ موستقيل جمهوريت گؤنو باره ده آذربايجان ميللي بيرليک شوراسينين بياناتي
بای بک، آذربایجان | آراگؤن, ۸-ي قئزاران , ۱۱۰۰۷ اینجی ایل, چولا ۲۳:۵۶ | بیلدیریش, تورکجه
 |
. | بولشویک- روس و داشناک ارمنیلرین توطئه و سیلاحلی تجاوزونا معروض قالان مساوات دولتی حدودأ ۷۰۰ گوندن سونرا دئوریلدی. آمما بونلارا باخمایاراق، ملی استقلالین غرور حس لرینی دویان و هر زامان آزادلیغا وورغون اولان ملتیمیزین حافظه سیندن استقلال گونلری نین ایزلرینی سیله بیلمه یه قادر اولمادی.
ائلچی بئی ین کومونیست پارتییاسی محکمه سینده امپریانین سیاست لرینی قینایاراق آذربایجان استقلالییتندن مدافعه ائتمه سی اوغورلو گئله جه ییمیزین مژده سی ایدی. او دئییردی: |
اوردا بیر یول وار اوزا قد ا
او یول بیزیم یولوموز دور!
دونمه سک ده، وارماسا ق دا،
او یول بیزیم یولوموز دور!
ده یه رلی آذربایجان تورکلری ،حورمتلی خا نیملارو جنابلار!
گونئی آذربایجان ملی بیرلیک شوراسی«۲۸ می استقلال گونو» مناسبتیله دنیا آذربایجان-لی لارینی تبریک ائد یب بو یولدا شهید اولان وطنداشلاریمیزین قارشیسیندا باش اییر . بو اجتماعی- سیاسی آیاغا قالخماق تورک خالقی نین یئنیلمزلیی نین،قهرمانلیغی نین رمزی اولاراق مستقل دموکراتیک دولتی میزی تاریخ صحیفه سینده ابدیلشدیردیرمیشدی.
تاریخین سیلینمز اوراقیندا یازیلان «آذربایجان استقلالی» داهی و وطنپرور آتا-بابالاریمیزین آراسی کسیلمز زحمتی وقانی باهاسینا قازانیلمیشدیر. ائله بونا گوره ملی شعوروموزون ان گلیشمه سینین تجسسمی اولان استقلال وملی حاکمییتی آنا شرافتی و گوز به به یی کیمی عزیز توتاراق اونو قورویوب گوجلندیر مه سینه ، زامانلا انکشاف ائدیب و ملتیمیزین هر ساحه ده اوغورلا یاشاماغینا یاردیم ائتمه یی دنیانین هر هاراسیندا یاشاماغیندان آسیلی اولمایاراق هر بیرآذربایجان تورکونه ملی بورج ساییریق .
دیره نیشه ال ووران قورخماز قهرمانلاریمیز!
ملی استقلالین تمل داشینی قویان بویوک سیاسی خادم محمد امین رسولزاده نین استقلالییتین دئورلیشی نین ان آغیر گونلرینده دیله گئتیردیگی .. بیر دفعه اوجالان بایداق بیر داها ائنمز.» و او دوورون چالیشقان اشتراکچی لاریندان اولان بویوک عالم احمد جعفر اوغلونون بو اوزاق گوروشله اعلان ائتدیی «آذربایجان-مجادله سی،حریت و استقلال ایله آرتیق تاریخه چئوریلمیش بیر میللی وارلیق و دولت دیر» نشان وئریر کی استقلال یارادان بو اولو شخصیت لرده ملی شعورون گلیشمه سی و انقلابدا آذربایجان اوغول قیزلاری نین ئولومون گوزونه دیک باخا راق دشمنی دیزه چوکوتمه لری نه قدر تورک اوغلو تورکون اوره یینده کی مشعلی آلولاندیریب وگئله جک مجادله ده ظفرقازانماغا اینام یاراتمیش دیر.
گونئی آذربایجان ملی بیرلیک شوراسی ۱۹۱۸-جی ایلین ۲۸ مای یندا محمد امین رسولزاده نین باشچیلیغی ایله شرقده ایلک میللی –مستقل دوولتین یارانماسینی ، تورک ملتی اوچون ان اونملی تاریخی- اجتماعی اولای لاردان بیلیر. بیز اینانیریق کی بو بویوک آیاغا قالخما نین آجی و شیرین تجربه لریندن درس آلیب و اوندان فارس-ایران شووینیست لرین آسیمیلییا سیا ستینه و سوی قیریمینا معروض قالان 35ملیون گونئی آذربایجا ن تورکونون دیره نیش و قورتولوش یولوندا بیر مشعل کیمی فایدالانماق ، هربیرملی – مدنی و دموکراتیک مبارزه یولوندا دویوشنلره ان واجب و گونده لیک وظیفه دیر.
یا لنیز استقلال تجربه لرینه دایانایب ملی شعور و بیلیییمیزی آرتیریب و آراسی کسیلمز ئوزوموزه قاییتماغا جان آتماقلا بیز باجارا جاییق ، ملی حرکاتدا اشتراک ائده ن لره حورمت قویوب ملی گوجوموزده ن اله گئلن بیر آشیب داشان سیل گوجونه ما لک اولاق. عمومییتله هر بیر کور طبیعی تنقید و حکم وئرمک دن اوزاقلاشماقلا بیزقادر اولاجاییق ایراندا ملی ذولومده یاشایان قونشو ملت لر له «عرب ،کرد، بلوچ، گیلک » و ملت لرین ملی آزادلیغینا ، استقلالینا حورمت قویان و بو یولدا مبارزه ائده ن فارس ملتی ایله ایش بیر لییینی حیاتا کئچیردک.
ملی بیرلیک شوراسی اینا نیر کی استقلال یارادان باشچی لاریمیز بو چتین یولون فاتحی اولماقلا ، آذربایجان ملتینی «استقلال وبرابر حقوقلوق» شعاریله آلداداراق ، روس امپریاسی نین سیاستینی اجرا ائده ن وباشقا ملت لرین توپراقلارینی اشغال ائده رک «واحد وبولونمز روسیا» ادعاسییندا اولان بولشویک لرین قارا نیت لرینی پوچا چیخارتمیشدیرلار.
تاریخی باخیمدان بیر گوز قیرپیمی ساییلان مدتده (۲۳ آی دا) تورکون تاریخی ،ملی ایستک وآرزولارینی حیاتا کئچیرتمک ده نهنگ و گورونمه میش آددیملار آتمیشدیر.
تورک دیلینیین رسمی دولت دیلی اولماسی، ۱۲۰-نفردپوتاتدان عبارت اولان آذربایجا ن پارلا منتی (مساوات، اتحاد، احرار، مسلمان سوسیالیست بلوکو،ملی آزلیقلار،اسلاویان،روس،داشناک ،ارمنی فراکسیونلارینین اشتراکی ایله) ایشه باشلاماسی، باکی دولت اونیورسیته سی ،آذربایجان ملی بانکی،ملی دولتچیلیک قایدا-قانونو، ملی اوردو، ملی حربی مکتب لری نین یارانماسی و…. مقدس استقلال گونلری نین تورک ملتینه ارمغانی ایدی.
۱۹۱۸-اينجی ایلده بولشویک لرین حمایه سی ایله ارمنی داشناک لارین باکی دا کی یولا سالدیقلاری «مارت سوی قیریمی»نا و.. شاهد اولان خالقیمیزین داهی باشچیسی نریمان نریمانوف هله ۱۹۲۰-اينجی ایلده بولشویک لرین بئله- بئله ایره نج نیت لرینی باشا دوشه رک ولادیمیر ایلیچ لنینه اعتراض مکتوب یازاراق دئییردی: (عزیز ولادیمیر ایلیچ ، مگر «مستقل آذربایجان» سوزو سیزین دیلینیزدن چیخمامیشدیرمی؟آخی محض بونا اساسلاناراق(مستقل آذربایجان وعده سینه. ب.حقی) بیز مساواتین توره تد ییی فیتنه کارلیغی محو ائده بیلد -یک!)
یوخاری داکی تاریخی سند گوسته ریر کی کومونیزم ایدئولوگییا سینی ساققیز کیمی آغیزلاریندا چئینه ین وساوه ت انسانی –اوستون انسان! یاراتماق ادعاسیندا اولان بو آقالار نئجه ئوز عصرلری نین شیخ نصراللاه رولوندا اویناماق باجاریغینا ما لک اولموشدولار!
آذربایجان خالق جمهوریتی نین رسمی اورگانی اولان «آذربایجان » قزه تی نین باش رداکتوری، خالقیمیزین داهی بسته کاری أوزه ییر حاجی بئی لی( ساوه ت لر گئلندن سونرا بوتون ملتین سوی آدینی روسلاشدیرماقا و عوض ائتمه یه باشلامیش دیر. ) آذربایجانین زورلا ساوه ت لشمه سیندن اوچ گون اول «آذربایجان » قزه تینده روس عیرقیچیلیغینی داشییان بولشویکلری تانیییب و تانیتماقلا ،گوسته ر دی کی نه قدر قورخماز و ملتینین قایغی کش خادمی ایدی.
بو اوزاق گوروشلو بویوک انسان اونلارین اوووجلارینی آچاراق یازیردی:
«من دئمیرم کی ،نیکولای حکومتی ایله لنین حکومتی آراسیندا فرق یوخدور.خیر. تفاوت واردیر و ئوزو ده بوندان عبارت دیرکی،نیکولای لار و گنرال لارحکومتی بیزه همیشه „سوولوچ-اجلاف” دئییب آتامیزا سویه ر دیلر،موژیک و رابوچی حکومتی مشهور روس سویوشو ایله آنامیزا سویه جک لر.»
بو بویوکسیاسی و اینجه صنعت خادمی بولشویک لرین سو آلتیندان یاسه گئده ن سیا ست لرینی آچیب آغارداراق بیزیم کیمی آلدانان ساده لوح سولچو و خام خیا ل لاری خبر دار ائتمک اوچون یازیردی : ”روس روسلوغوندا باقی دیرو روس قلبینده کی تورک دشمنچی لییی ده باقی دیر“.
بولشویک- روس و داشناک ارمنیلرین توطئه و سیلاحلی تجاوزونا معروض قالان مساوات دولتی حدودأ ۷۰۰ گوندن سونرا دئوریلدی. آمما بونلارا باخمایاراق، ملی استقلالین غرور حس لرینی دویان و هر زامان آزادلیغا وورغون اولان ملتیمیزین حافظه سیندن استقلال گونلری نین ایزلرینی سیله بیلمه یه قادر اولمادی.
ائلچی بئی ین کومونیست پارتییاسی محکمه سینده امپریانین سیاست لرینی قینایاراق آذربایجان استقلالییتندن مدافعه ائتمه سی اوغورلو گئله جه ییمیزین مژده سی ایدی. او دئییردی:
«باشقا خالقلارین پایاسینا سویکه نن امپریالار داغیلیر….بو قورولوش داغیلاجاق!»
آذربایجان گویلرینده محمد امین رسولزاده نین قالدیردیغی بایداق دالغالاناراق ملی مبارزه یولوموزون گوسته ریجیسی اولوردی. ملتیمیز وطنین و تورکون روس جایناقیندان قورتولوشونو هر بیر شخصی قازانجا اوستون توتماغا گوره یئنی استقلالییتی یاراتماقا نائل اولدو.
ابوالفضل ائلچی بئی ین باشچی لیغی ایله مستقل آذربایجان قادر اولدو اشغالچی روس اودوسونو اولکه ده ن چیخارتماقلا ملی تاریخیمیزده علامتدار گونو قید ائتمه یه نائل اولسون.
سیاست دونیاسی نین تانینمیش شخصییتی حیدر علی اوف بیر شرفلی آذربایجان اولادی کیمی اولکه سینین استقلالییتیندن مدافعه نی هر بیر مقام و منصب دن اوستون دوتاراق روسلارین آذربایجان-ا ارمغان گئتیردیی فاجعه لی سیاستلری او جمله دن قاراباغ و ۲۰-ژانويه سوی قیریملارینی محکوم ائدیردی.
نخجوان مختاررسپوبلیکاسی عالی مجلیسی نین صدری اولاراق ۱۹۹۱-اينجی ایلین دکابر آیی نین ۱۶ سیندا دئییردی:
«سووئت امپریاسی ترکیبینه قا تیلدیغی ۷۰ ایل عرضینده آذربایجانا قارشی مستملکه چی لیک سیاستی یئریدیلمیش، آذربایجان خالقی تعقیب لره و کوتله وی جزا تدبیر لرینه معروض قالمیشدیر. امپریاسیاستی دنیا آذربایجان-لی لارینی بیر-بیریند ن تجرید ائتمک مقصدی ا یله پان تورکیزم مفهومونو شرق عالمینده تهلوکه لی بیر اید ییا کیمی تقدیم ائده رک ،دنیا دا و ساوه ت لر اتفا قیندا یاشایان تورک دیلی خالقلارآراسیندا علا قه لرین محدودلاشما سینا ، کسیلمه سینه جهد گوسترمیشدی. بو سیا ستین تظاهری کیمی سرحد چپه ر لری آذربایجان خالقینی پارچالامیشدیر. بوتون بونلارا باخما یاراق آذربایجان لیلار ملی دولت،ملی و معنوی بوتوولوک ،مستقل لیک اوغروندا مبارزه نی دوام ائتدیرمیشلر. »
ده یه رلی سوی داشلاریمیز ! «۱ خرداد-۲۲ مای» دیرچه لیش حرکاتی نین قهرمان وشرفلی اوغول و قیزلاری!
بو گونه دک خالقیمیزین آجی طالعینی ایزلیییب و باش وئره ن اولای لاری دقتله نظرده ن کئچیردن هر بیر وطن پرور انسانا آیدین اولور کی ملتیمیز یا لنیز ئوز آیاقی اوستونده دوراراق قادر اولاجاق هر زامانا گوره لازیم اولان ملی تشکیلاتلانماقلا ملی شعورون ان انکشا ف مرحله سی اولان ملی حاکمییته مالک اولسون.
گونئی آذربایجان ملی بیرلیک شوراسی بو تاریخی گونو ۵۰ ملیوندان آرتیق اولان آذربایجان تورک لرینه تبریک ائدیب ،مستقل آذربایجان یارادان ملتیمیزه رفاه وباشی اوجالیق واوغورلو گئله جک آرزی ائدیر.
گونئی آذربایجان ملی بیرلیک شوراسی
۱۶/۰۵/۲۰۰۷
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/1075.azr
یازینین اینترنت آدرسی
گوروش کاپانیبدی