ايکي گؤندور تبريز-ده سئيل آخير٫ بير ايش گؤرن يوخ
بای بک، آذربایجان | دوزگؤن, ۷-ي قئزاران , ۱۱۰۰۷ اینجی ایل, چولا ۲۳:۰۶ | تورکجه, خبرلر
 |
. | ايکي گؤندور باشلايان ياغيشلار ندني ايله شهرده گليش-گئديش دايانيب و سويون قالخماسي اؤچون زيبيل هر يئري دولدوروب. شهر تمامي ايله بير چيرکين گؤله دؤنوب.
خياوانلاردا قالان ماشينلار و ميللت چاره سيز ديلر و کيمسه بو قونودا بير ايش ياپماقا چاليشمير. ايلديريم شاخمالاري ايسه چوخ تهلوکه لي و قورخونج اورتام ياراديب. |
آغير ياغيش و دولي سونوجوندا تبريز شهري گؤله دؤنوب.
بای بک-ه گلن بيلگيلر اساسیندا ايکي گؤندور باشلايان ياغيشلار ندني ايله شهرده گليش-گئديش دايانيب و سويون قالخماسي اؤچون زيبيل هر يئري دولدوروب. شهر تمامي ايله بير چيرکين گؤله دؤنوب.
خياوانلاردا قالان ماشينلار و ميللت چاره سيز ديلر و کيمسه بو قونودا بير ايش ياپماقا چاليشمير. ايلديريم شاخمالاري ايسه چوخ تهلوکه لي و قورخونج اورتام ياراديب.
بای بک-ه وئریلن بيلگيلره گؤره استاندار و شهردار طرفيندن هيچ بير سس يوخ. ياشام و ايشلري پوزولان تبريز-ليلر ايسه کيمسه يه شکايت ائده بيلميرلر. بيزه دانيشان بير سويداشيميز بو باره ده گئچميشلرده استانداريه و داها سونرا شهرداريه باش ووردوغو آنجاق تربيه لي حالده قوغولدوغونو آنلاديب. او دئيير کي: “من گئتديم ايکي يازيلي مکتوب ايله اؤز شيکايتيمي بيلديرم. اؤز محله ميزدن نماينده اولاراق گئتميشديم. بيليرسيز هر ايل بوجور اولور٫ ياغيش ياغاندا تبريز گؤله دونور آنجاق هيچ بير ايش ياپيلمير”.
سويداشيميز توکان صاحيبيدير٫ بو دورومدا اونون توکانينا سو گيرمه سي اؤچون چوخلو زيان آليب. او آرتيرير: “شهرداريه بوراخماديلار ايچري گيرم. قاپيچي مکتوبو آلدي و دئدي سورا سنه جواب گلير. نقدر اصرار ائتديم فايدا وئرمه دي چونکي سويله ديلر شهردار اوردا ده يير. استانداريه گئتديم. دئديلر گؤزله استاندارا گؤنده ره جه ييک. ايکي ساعتدن سورا دئديلر کي استاندار جلسه يه گئتدي و بو گؤن گلمه يه جک. نه دئمک ايسته ييرسن بيزه ده!! حاضيرلاديقيم مکتوبو وئرديم آما هله دير کي گؤزله ييرم!!!”. آما تبريز هله سو آلتيندادير.
تبريز بؤيوک و اؤنملي شهرلردن ساييلسادا٫ شهري ايمکانلاردان محروم قاليب. بو شهرين فاضيلاب سيستمي و شهرين ايچينده سو توپلاما سيتمي يارارسيز و حتي تهلوکه ليدير.
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/1060.azr
یازینین اینترنت آدرسی
گوروش کاپانیبدی